MATIUS 2:11 - Sura' Madatu

¹¹ Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

MATIUS 2:11 ပူးပေါင်းရင်းမြစ်များ

KADADIAN 43:11

Nakuami lako tu Israel ambe’na: Iake susito, pogau’i susite: alami tu apa bu’tu lan padang iate tu melona, patamai pa’panniammi mibaai rokko la mipennoloan lako puang iato, susinna tu pebangki sidi’, sia tani’ enoan sidi’, lite busarungngu’, kamanian, bua pinu’, sia bua badan.

1 DATU 10:10

Nabenmi bulaan tu datu Salomo saratu’ duangpulo talenta sia lendu’ budanna pebangki’ sia ma’rupa-rupa parimata ballo: iatu pebangki’ napa’bengan datu baine Syeba lako datu Salomo, tae’mo padanna totu nabaa tau.

1 DATU 10:2

Saemi dio Yerusalem naturu’ baanan makamban sia ba’tu pira-pira unta unteke’ pebangki’ sia bulaan lendu’ budanna sia ma’rupa-rupa parimata ballo. Rampomi lako Salomo, anna pokadai lako tu mintu’ apa lan penaanna.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’PUDIAN 45:8

Mikamali’ tu kamaloloan ammi sayu kakelokan; iamoto, o Puang Matua, anna bolloikomi minna’ Kapenombammi, tanda kasendean, Napalosongkomi na iatu mai solami.

PA’PUDIAN 72:10

Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

PA’PUDIAN 72:15

Sangapaoi anna marendeng; anna pennoloanni tau lako tu bulaan dio mai Syeba. Sia tang ka’tu kapassambayangan, sia umpalakuanni kamauparan kiallo-kiallo.

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

KATASSURAN 30:23

La muala tu pebangki’ keangga’, iamotu muru’ to’do kalena lan mai kuli’na limaratu’ sikele’ sia kayu matanning busarungngu’ sangsesena, iamotu duaratu’ limangpulo sikele’, sia iatu bangle busarungngu’ duaratu’ limangpulo sikele’

KATASSURAN 30:34

Sia Nakuapa tu PUANG lako Musa: Alako pebangki’ busarungngu’: muru to’do kalena, onik sia dama’ busarungngu’, iamotu pebangki’ busarungngu’ sia kemenyan massang, mintu’nato la pada budanna.

PA’TENDENG BALLO 3:6

Apara ia tu sae dio mai padang aak, susito lentong rambu, ma’bau muru sia dupa sia mintu’ pebangki’ busarungngu’na to ma’balili?

YESAYA 60:6

La nasamboi unta ma’baanan tu mai padangmu, iamotu unta mangura dio mai Midian sia Efa; la sae tu tau sola nasang dio mai Syeba umbaa bulaan sia kemenyan sia la umpa’peissanan penggauranNa PUANG tu sipatu dipudi.

SURA’ KATOMINAAN 6:15

Na misa’ to minaa la unnala ta’pung manisak sangka’pan dio mai kande dipemalaran sia dio mai minnakna, sia dio mai mintu’ dupa, tu dao kande dipemalaran, anna tunu nasangi dao inan pemalaran, la dipobau busarungngu’ sia la dipopemala’ pengkilalan dipemalaran lako PUANG.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

KADIBILANGAN 7:14

sia misa’ dolong-dolong bulaan sangpulo sikele’ timbanganna ponno dupa diong;

KADIBILANGAN 7:86

Sia sangpulo dua dolong-dolong bulaan ponno dupa diong; simisa’ dolong-dolong sangpulo sikele’ timbanganna, situru’ sikele’ maindan; iatu mintu’ bulaanna dolong-dolong iato saratu’ duangpulo sikele’.

MATIUS 1:18

Iatu kadadianNa Yesu Kristus susite: Iatonna sikampa Yusuf tu Maria, indo’Na, tonna tae’pa nasisola, manassami kumua ma’tambuk tu Maria diona kamatotoranNa Penaa Masallo’.

MATIUS 12:46

Marassan bangsia tu Yesu sipa’ulelean tu to buda, Nakitai tu indo’Na sia siulu’Na ke’de’ dio salian la morai ussipa’kadanNi.

MATIUS 14:33

Sangsaeammi tu mintu’ to lan lembang tukku umpennoloi Yesu sia nakua: Kamu tonganmo tu AnakNa Puang Matua.

MATIUS 2:10

Iatonna kitai tu bintoen lendu’mi parannunna penaanna tinde tau.

MATIUS 2:2

nakua: Umbara nanii tu datu to Yahudi, tu mane dadi? Belanna dellekmo tu bintoenNa kikita, angki sae la umpenombai.

LUKAS 2:16

Nasarra’i sae, nakabu’tui tu Maria sola Yusuf na iatu Pia’-Pia’ mamma’ lan palungan.

LUKAS 2:38

Iatonna iato saemi, naparandukki umpudi-pudi Puang Matua sia unnuleleanni tinde Pia lako mintu’ to untayan kadila’bakanna Yerusalem.

YOHANES 19:39

Iatu Nikodemus, tu mangka lao umpellambi’i bongi Yesu, sae duka umbaa muru dipasirau garu, agi-agi sangtangnga pekulu’.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.

1 SAMUEL 10:27

Apa den tu ba’tu pira to bulituk ma’kada, nakua: Umba nakua la urrampanangki’ te? Sia napamatuna tau iato mai sia tae’ nama’kasian lako kalena, apa nakappai bang Saul tu iannato.