MATIUS 2:1 - Sura' Madatu

¹ Iatonna dadimo tu Yesu dio Betlehem, tana Yudea, tonna linona datu Herodes, saemi to patanda-tandan, to dio mai padang rampe matallo, lako Yerusalem,

MATIUS 2:1 ပူးပေါင်းရင်းမြစ်များ

KADADIAN 10:30

Iatu pa’tondokanna randuk dio mai Mesa sae lako Sefar, tanete rampe matallo.

KADADIAN 25:6

Apa lako anak tang nabolai naben pa’pakatana, mangkato nasua nasangmi mallai dio mai Ishak, anakna; tonna tuopa tu Abraham nasuai lako rampe matallo, lako Padang matallo.

KADADIAN 41:8

Iatonna melambi’ dio mai ma’bara-barami tu ara’na Firaun na mesua untambai mintu’ to paissan-issan sia to patanda-tandan dio tondok Mesir; napokadami Firaun lako tau iato mai tu tindona, apa tae’ bang misa’ unnissanni ussembanganni Firaun.

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

1 DATU 4:30

naurungan iatu kakinaanna Salomo mandu kapua anna kakinaanna to dio lu rampe matallo sia mintu’ kakinaanna to Mesir.

1 OSSORANNA DATU 2:51

Salma, ambe’na Betlehem, na Haref, ambe’na Bet-Gader.

AYUB 1:3

Iatu apanna pitungsa’bu tu domba sola bembe’, tallungsa’bu tu unta, limaratu’ ayokana tu sapi, na limaratu’ keledai birang, sia buda tongan tu mai pa’dua’na, iamoto na iatu muane iato sugi’ lallang na iatu mai mintu’na pa’tondokan dio rampe matallo.

YESAYA 11:10

Allo ia dukato anna iatu taruk uaka’na Isai la tulangdan napobate-bate mintu’ bangsa sia la napengkaa’i mintu’ to sangpetayanan; sia iatu inan nanii mari’pi la mala’bi’.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

MATIUS 1:25

Tae’ nasangampa’ len sae lako nadadianna tu pia muane misa’. Nasangai Yesu.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 2:3

Iatonna rangii datu Herodes tu iannato, tirambanmi sola tu mintu’ pa’tondokan dio Yerusalem.

MATIUS 2:5

Ma’kadami tinde tau lako, nakua: Dio Betlehem, dio tana Yudea, belanna susimoto tu nasura’na nabi, nakua:

MATIUS 2:7

Pakalan natambai bunimi Herodes tu to patanda-tandan, anna pesumpui lako kumua sangapamo dukkunna tu bintoen.

LUKAS 1:5

Iatonna Herodes datu Yudea denmi misa’ tominaa, disanga Zakharia, untamai atoranna allona Abia, na iatu bainena disanga Elisabet, tarukna Harun.

LUKAS 2:11

kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

LUKAS 2:15

Iatonna memboko’mo tu malaeka’ sule langngan langi’, nakuami tinde to mangkambi’ sipa’kada-kada: Maikomika duka talao lako Betlehem, untiroi tu apa dadimo dio, tu mangka dipokada, Napa’peissanan Puang lako kaleta.

YOHANES 7:42

Tang dipokadaraka lan Sura’ Madatu kumua lan mai tarukna Daud sia lan mai Betlehem, tondokna Daud, la Nanii bu’tu tu Mesias?

TO PARENGNGE’ 17:7

Denmi misa’ pia muane lu dio mai Betlehem lili’na Yehuda, dio mai lili’ pa’rapuanna Yehuda; tau iato to Lewi sia torro to sae dio.