MATIUS 19:8 - Sura' Madatu

⁸ Nakuami Yesu lako tinde tau: Tu belanna kamakarrasanna penaammi anna elorangkomi Musa untantang bainemi; apa iatu tempon dio mai tae’ ia nasusito.

MATIUS 19:8 ပူးပေါင်းရင်းမြစ်များ

KADADIAN 2:24

Iamoto anna la untampe ambe’na sia indo’na tu muane anna la’ka’ lako bainena, anna mendadi sangbatang kale sola duai.

KADADIAN 7:7

Iatu Nuh sola repokna, sia iatu mai bainena anakna mentamami lembang umpallaian kalena dio mai uai saba’.

PA’PUDIAN 95:8

Da mipamakarra’i tu penaammi, susi tonna dio Meriba, sia susi tonna allo Masah dio padang pangallaran.

YEREMIA 6:16

Iamote tu kadanNa PUANG: Bendankomi dio lu to’ batatta; tiro meloi sia pekutananni tu lalan dolo, umbanna tu lalan tongan, anna ia mipolalan, anna rapa’ penaammi; apa nakua tu tau iato mai: Manokakan umpolalanni.

ZAKHARIA 7:12

Sia napamakarra’ tu penaanna susi intan, kumua da naperangii tu pangadaran sia kada, tu Naparampo PUANGna mintu’ ma’dandan maritik lako kalena tete dio PenaanNa, tu nalopian mintu’ nabi dolo. Iamoto napodenni kasengkean kapuaNa PUANGna mintu’ ma’dandan maritik.

MATIUS 19:7

Nakuami tinde tau lako: Iake susito, ma’apai namesua tu Musa umpa’bengan sura’ kasitantangan sia untantangi?

MATIUS 19:9

Apa Aku Kukua mati’: minda-minda untantang bainena sangadinna diona gau’ sala, anna umpobaine to senga’, iamo pasandak salu lako rampanan kapa’. Na minda-minda umpobainei tu baine natantang, ia dukamo pasandak salu lako rampanan kapa’.

MATIUS 3:15

Apa mebali Yesu sia Nakua ungkuanni: Da’ito belanna susimoto sipatuki’ ussundunni tu natuntunna sukaran aluk. Naturu’Mi.

MATIUS 8:31

Napalakumi deata masussuk lako Yesu nakua: IamMi la urrambaikan, suakanni inde to lako bai sangtuntunan.

MARKUS 10:5

Nakuami Yesu lako tu tau: Tonganna, apa kamakarrasanna penaammi, anna surasangkomi tu parenta iato.

MARKUS 16:14

Undinna pole’o to umpa’pekitanammi kaleNa lako anak gurunNa sangpulo misai, marassan unno’ko’ kumande, Nata’tanmi, belanna tangkan ma’patongan sia makarra’ penaanna, naurunganni tang umpatonganni tu to mangka ungkitaI tonna malimbangunmo.

1 KORINTUS 7:6

Apa iate kupokada tangia parenta, sangadinna kupatimbangirokomi.

1 SAMUEL 25:43

Sia ia duka tu Ahinoam dio mai Yizreel naalamo Daud, napasibayuranni.