MATIUS 19:6 - Sura' Madatu

⁶ Naurunganni tae’mo nada’dua sangadinna sangkalemora. Iamoto, dadi iatu mangkannamo Napasibali Puang Matua, da napasitantangi tolino.

MATIUS 19:6 ပူးပေါင်းရင်းမြစ်များ

SARAMBU PEADA’ 2:17

tu untampemo muanena tonna mangurapa sia tang ungkilalaimo basse Kapenombanna;

MALEAKHI 2:14

Sia ma’kadakomi mikua: Ma’apai to? Iamotu belanna PUANGmo tu sa’bi lan alla’mu anna bainemu, tommu mangurapa, tu munii tang maruru’mo totemo, moi na iamo dodo’mu sia baine tonganmu.

MALEAKHI 2:16

Belanna Kukabiri’ tu kasitantangan, kadanNa PUANG, Kapenombanna Israel sia iatu kedona to umpasitutu’i kamasa’garan tu bayu lamba’na, kadanNa PUANGna mintu’ ma’dandan maritik. Iamoto, katangkinni tu penaammi, da mituru’ kamoraiammi sia da mima’gau’ tang maruru’.

MATIUS 19:5

Anna ma’kada kumua: Iamoto anna la untampe ambe’na sia indo’na tu tau anna la’ka’ lako bainena; anna mendadi sangbatang kale sola duai?

MATIUS 19:7

Nakuami tinde tau lako: Iake susito, ma’apai namesua tu Musa umpa’bengan sura’ kasitantangan sia untantangi?

MARKUS 10:9

Iamoto, iatu Napasibalinna Puang Matua, da napasisarakki tolino.

ROMA 7:2

Belanna misa’ baine untanan dapo’ naarra’i atoran lako muanena, ke tuopi tu muanena; apa iake matemi tu muanena, tilendokmo tu baine dio mai atoran unnarra’i lako muanena.

EFESUS 5:28

Ten dukamoto tu mintu’ muane sipato’ umpakaboro’ bainena, susi ia umpakaboro’ batang kalena. Iatu to umpakaboro’ bainena, iamo umpakaboro’ kalena.

IBRANI 13:4

La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.