MATIUS 18:9 - Sura' Madatu

⁹ Sia iake matammu untumangko, su’be’i ammu tibei, belanna la’bi’ sia ia ke sangbaliri matammu tama katuoan, na iake dio patomalii tu matammu mudipembuangan tama api naraka.

MATIUS 18:9 ပူးပေါင်းရင်းမြစ်များ

MATIUS 16:26

Belanna apara la napomaupa’ tau, moi naassangi te lino, apa karugian deatanna? Ba’tu apara tu sipatu la nasorong tau la nasondan deatanna?

MATIUS 18:8

Iamoto, iake limammu ba’tu lentekmu untumangko, ta’takki mutibei, belanna la’bi’ sia ia ke popponko ba’tu sondo’ko tama katuoan na iake dio patomalii tu limammu sia lentekmu mudipembuangan tama api tontong sae lakona.

MATIUS 19:17

Nakuami Yesu lako: Ma’apari na iara tu kameloan mupekutanan lako Kaleku? Misa’ri Ia tu melo. Apa iake la moraiko tama katuoan, turu’i tu Sukaran alukNa Puang Matua.

MATIUS 5:22

Apa Aku Kukua mati’ kumua: minda-minda tae’ natore kasengkeanna lako siulu’na, la napakannai ukungan ada’; sia minda-minda tu ma’kada lako siulu’na kumua: E baga! La napakannai ukungan ada’ lompo; sia minda-minda tu kumua: E to bomboan? La nakanna ukungan tama api naraka.

MATIUS 5:29

Iake mata kananmu untumangko, su’be’i, mutibei; belanna la’bi’ sia ia ke pa’dei misa’ tu lesoan kalemu na iake dipembuangan kalebuko tama naraka.

MARKUS 9:47

Sia iake matammu untumangko, su’be’i mutibei, belanna la’bi’ sia ia, ke sangbaliri matammu tama ParentaNa Puang Matua, na iake dio patomalii tu matammu ammu dipembuangan tama naraka,

PENGGAURANNA RASULU’ 14:22

na umpabatta’ penaanna to menturu’ sia napakilala kumua anna manda’ lan kapatonganan, nakua: tae’ nasalai tang buda kamaparrisan umpatuki’ tu tama ParentaNa Puang Matua.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.