MATIUS 18:6 - Sura' Madatu

⁶ Minda-minda untumangi moi misa’i te to bongko umpatonganNa’, la’bi’ sia ia lako kalena ke ditoke’i batu parandangan tu barokona, nadilammu’ lan tangnga-tangnga tasik.

MATIUS 18:6 ပူးပေါင်းရင်းမြစ်များ

PA’PUDIAN 105:15

Nakua kadanna: Da mirumbui lako tu mati’ to mangka Kutokko, sia da mipogau’ kadakena lako mintu’ nabingKu!

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

ZAKHARIA 2:8

Belanna, inde sia tu kadanNa PUANGna mintu’ ma’dandan maritik, tu kamala’biranNa ussuana’, diona mintu’ bangsa, tu mangka umpangrampaikomi – belanna minda-minda tu urrumbukomi, iamo urrumbu mata taunNa –,

MATIUS 17:27

Apa dikuari daa’ anna katannarangki’ tu mati’ tau, dadi laoko mamekan rokko tasik, ammu alai tu bale bunga’ pealammu; sia iammu bungka’i tu sadangna, la mukabu’tui tu doi’ a’pa’ dirham; alai tu doi’ iato, ammu sorongi lako tu tau, pamaya’Ku na iko.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MATIUS 18:14

Ten dukamoto tu Ambe’mi dao suruga tae’ dio tu pa’poraian kumua anna sanggang misa’ te to bongko iate.

MATIUS 18:5

Na minda-minda tu untammui tu pia’-pia’ susite diona sangangKu, iamo untammuiNa’.

MARKUS 9:42

Minda-minda untumangi moi misa’i te to bitti’ umpatonganNa’, la’bi’ sia ia lako kalena, ke ditoke’i batu parandangan tu barokona, nadipembuangan rokko tasik.

PENGGAURANNA RASULU’ 9:5

Nakuami mebali: MindaroKomi, Puang? Ma’kadami nakua: Akumo Yesu, tu mupakario-rio.

ROMA 14:21

Melo ke da mukandei tu duku’, ba’tu unniru’ uai anggoro’, ba’tu apa-apa, tu napotitumbunna penaanna siulu’mu.