MATIUS 18:4 - Sura' Madatu

⁴ Iamoto, minda-minda tu umpamadiongan kalena susite pia’-pia’, iamo la madaoanna lan Parenta Suruga.

MATIUS 18:4 ပူးပေါင်းရင်းမြစ်များ

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

MATIUS 18:1

Tonna attu iato saemi tu anak gurunNa lako Yesu nakua: Mindara tu kapuanna lan Parenta Suruga?

MATIUS 18:3

sia Nakua: Tonganna tongan Kukua mati’, iake tae’i mipasondai penaammi, midadi pia, dennoraka mila tama len Parenta Suruga?

MATIUS 18:5

Na minda-minda tu untammui tu pia’-pia’ susite diona sangangKu, iamo untammuiNa’.

MARKUS 10:43

Apa iatu kamu tae’ misusito, sangadinna minda-mindammi tu la morai madaoan, sipatu la mendadi to ma’parakami.

MARKUS 9:34

Apa sipa’loko-lokoan belanna mangkamo sipakka dio lu lalan kumua, ba’tu mindannai tu kapuanna.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 9:48

Namane kumua lako tau iato mai: Minda-minda untammui tu pia’-pia’ susite diona sangangKu, ia dukamo untammuiNa’ sia minda-minda tu untammuiNa’, ia dukamo untammui tu To ussuaNa’ belanna iatu bitti’na lan te kamu sola nasang, iamo kapuana.

YAKOBUS 4:10

Sipatukomi la umpamadiong kalemi dio oloNa Puang, na Ia la umpamalangka’komi.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.