MATIUS 18:31 - Sura' Madatu

³¹ Iatonna tiroi mintu’ solana tu penggauran iato, lendu’mi masussanna, nalao umparampoi lako puangna tu mintu’nato.

MATIUS 18:31 ပူးပေါင်းရင်းမြစ်များ

KADADIAN 37:2

Inde sia tu ulelean diona bati’na Yakub. Iatu Yusuf tonna sangpulo pitumo taun dadinna, manglaami sola mintu’ siulu’na-namangurapa-sibaa anakna Bilha sia anakna Zilpa, tu da’dua bainena ambe’na, naparampomi Yusuf lako ambe’na tu kareba diona kakadakeanna siulu’na.

PA’PUDIAN 119:136

Iatu uai matangku lolong susi uai salossok, belanna tae’ tau umpengkaolai sukaran alukMi.

PA’PUDIAN 119:158

Magi’gi’na’ untiroi tu mai to balik, belanna tae’ natoe manda’i tu kadamMi.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

MATIUS 14:9

Massemi penaanna tu datu, apa belanna iamotu sumpana sia belanna iamotu to nasisolan ma’talimbungan kumande, napesuammi la umbenni lako.

MATIUS 18:28

Apa iatonna sun tinde tau, sitammumi misa’ solana, tu kaindanan lako kalena saratu’ dinar; nala’ka’imi anna kalessekki, nakua: Baya’i tu indanmu lako kaleku.

MATIUS 18:30

Apa manoka, sangadinna napa’petarungkuan, sae lako naseroinna tu indanna.

MATIUS 18:32

Pakalan natambaimi puangna tinde tau, nakuami ungkuanni: E to kadake, mangkamo kupamasero nasang tu indanmu, belanna mengkamoya-moyako umpalakui lako kaleku.

MARKUS 3:5

Mentiro tikumi tu Yesu lako tau iato mai situang kasengkeanNa sia Napomasussa tu kamakarrasanna penaanna tu tau, Nakuami lako tu to kope limanna: Angka’i tu limammu! Naangka’mi namatoto’ tu limanna.

LUKAS 14:21

Nasusito sule bangmi tinde kaunan lako puangna umpokadanni tu mintu’nato. Sengkemi tu ampu banua, nakua lako kaunanna: Maleko madomi’ lan lu tondok, mubaai dio mai tu mintu’ to kalala’ sia to sala’ dadi, sia to buta sia to sondo’.

LUKAS 19:41

Pakalan tonna mandappi’mo Natiromi tu tondok iato, Natangi’imi,

ROMA 12:15

Pada parannukomi to parannu; sia pada tumangi’komi to tumangi’.

2 KORINTUS 11:21

Kupomasiri’ umpokadai te, butung to tangganmokan batta’. Apa apa-apa nanii tau barani – ma’kada to baga bangmo’ te – ia duka kunii barani tu iannato.

IBRANI 13:17

Mengkaolakomi lako panglalanmi sia turu’i; belanna tau iato mai ungkaritutui deatammi, apa iamo la umpebalii, kumua anna parannu ungkarangi tu pentoean, tangia la sumarroi; belanna iatu susinnato tae’ bua’na lako kalemi.

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.