MATIUS 18:25 - Sura' Madatu

²⁵ Apa belanna tae’ apa dio la napamayaran, napesuammi puangna, kumua ia la dibalukan sola anakna sia bainena, sia mintu’ tu apa dio kalena, napopamaya’.

MATIUS 18:25 ပူးပေါင်းရင်းမြစ်များ

NEHEMIA 5:5

Moi angki sangrara sangbuku tu siulu’ki sia moi na iatu anakki muane pada bangsia tu anakna muane, apa moi susito kipa’bengan bangmo tu anakki muane sia anakki baine dipotosandang sia ba’tu pira-pira tu anakki baine dipakasiri’ lan kasandangan natae’ kiissan tu apa la kipogau’; na iatu pa’lakki sia pa’lak anggoro’ki natoe dukamoto senga’.

2 DATU 4:1

Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.

LUKAS 7:42

Belanna tae’ bang apa dio la napamayaran, napamasero bangmi sola duai. Totemo pokadanNa’: Umbannara tu tau sola duai, tu la mandu mamali’ lako kalena?

SURA’ KATOMINAAN 25:39

Iake kalala’mi tu siulu’mu tu musisolan anna sandang lako kalemu, da musuai ungkarang pengkarangan kaunan.

NEHEMIA 5:8

angku ma’kada lako kukua: Mintu’ siulu’ta, iamotu to Yahudi, tu mangka dibaluk lako to kapere’, kila’bakmo sitinaya pakulleki; apa iatu kamu mibaluk tu siulu’mi, na iatu tau iato mai umbaluk kalena lako kaleki! Kappami tu tau iato mai sia tang naissan mebali.

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

KATASSURAN 21:2

Iake unnallikomi misa’ kaunan to Ibrani, annanri taunna la dipopa’kurinan, apa iake taun ma’pempitu, manassa la mentorro to makakamo sule, apa tae’ nama’talla’.

KATASSURAN 22:3

Ianna bu’tuimi allo, la dituntun tu rarana lako to umpatei. Na iatu to boko la ussonda nasangi; iake tae’mi dio kalena, ia la dibalukan belanna bokona.

MATIUS 18:24

Iatonna parandukki sisalu, nabaami tau lako tu to kaindanan sangpulo sa’bunna talenta.