MATIUS 18:20 - Sura' Madatu

²⁰ Belanna umba-umba nii tau da’dua ba’tu tallu sirampun belanna sangangKu, dio dukaNa’ lan tangnga- tangngana.

MATIUS 18:20 ပူးပေါင်းရင်းမြစ်များ

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

KATASSURAN 20:24

GaraganNa’ misa’ inan pemalaran litak sia pemalaranni dao tu mintu’ pemala’ pantunu pu’pu’mu sia pemala’ kasalamarammu, iamotu bembe’ sola domba sia sapimmu. Iatu mintu’ inan, tu Kupadadi misa’ kapengkilalan diona sangangKu, inde to dio Kunii songlo’ lako kalemu sia umpamasakkeko.

YEHEZKIEL 46:10

Na iatu arung la naparitangnga tau iato mai, ke malei tama, sia iake tassu’i tu tau iato mai, la tassu’ duka.

ZAKHARIA 2:5

Sia Aku kalena la napobenteng api tiku lao, kadanNa PUANG, sia la napokamala’biran lan.

MATIUS 18:21

Tonna iato saemi tu Petrus umpentireke’i Yesu nakua: O Puang, pempiran sala tu siulu’ku lako kaleku tu sipatu la kupagarri’? Saeraka lako ma’pem- pitunna?

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

YOHANES 20:19

Iatonna makaroenmo tonna allo bunga’na lan minggu iato, disalli’ bangmo tu ba’ba banua nanii anak gurunNa torro belanna mataku’ lako to Yahudi, pakalan Nata’pa sae bangmo bendan lan tangnga-tangngana tinde tau tu Yesu sia Nakua ma’kada lako: Siriakomi kamarampasan!

YOHANES 20:26

Karua allona mangkanna to sirampunomi tu anak gurunNa Yesu lan banua lan dukamo sola tu Tomas. Iatonna tisalli’mo tu ba’ba banua, saemi tu Yesu bendan lan tangnga sia Nakua: Siriakomi kamarampasan!

YOHANES 8:58

Nakuami Yesu uangkuanni: Tonganna tongan Kukua mati’: Tae’pa naden tu Abraham, angKu inang Denmo.

1 KORINTUS 5:4

Iake ma’kombongangkomi nadio ren deatangku sola kuasanNa Puangta Yesu,

1 TESALONIKA 1:1

Iate sura’ lu dio mai Paulus sia Silwanus anna Timotius diparampo lako kombongan to Tesalonika, tu lanna Puang Matua, Iamotu Ambe’ sia Puang Yesu Kristus. Narampoimorokomi pa’kamasean sia kamarampasan.

FILEMON 1:2

sia lako siulu’ki Apfia, sia lako Arkhipus, sangayokaki lan kapararian mempenaa, sia lako kombongan lan banuammu.

KADA OMBO’ LAKO RASULU’ YOHANES 2:1

Surasanni malaeka’ kombongan dio Efesus susite: Kumua iamote tu kada lu dio mai Puang tu untoe pitu bintoen lan lima kananNa, tu sumalong lu lako lu dio mai lan tangngana tu pitu tongkonan palita bulaan.

KADA OMBO’ LAKO RASULU’ YOHANES 21:3

Kurangimi misa’ gamara kapua dao mai isungan kapayungan iato ma’kada nakua: Kilalai kumua iatu tendaNa Puang Matua nanii sola tolino, sia la torro Ia sisola tau iato mai, na tau iato mai mendadi taunNa, na Puang Matua Kalena la urrondongi.