MATIUS 18:16 - Sura' Madatu

¹⁶ Apa iake tae’i natarimai, solan pole’ko tau misa’ ba’tu da’dua dikua anna pudukna tinde to sa’bi’ da’dua ba’tu tallu umpamanassai tu mintu’ kada.

MATIUS 18:16 ပူးပေါင်းရင်းမြစ်များ

1 DATU 21:13

Attu iato saemi tu tau da’dua, iamotu to bulituk, unno’ko’ untingoi, anna sa’bii te to bulituk sola duai tu Nabot dio olona to buda, nakua: Ia tinde Nabot umpa’kada solangi Puang Matua sia datu. Nasolammi tau iato mai lako salian kota, anna tumbui batu samatena.

KADIBILANGAN 35:30

Minda-minda tu umpatei misa’ tau, la dipatei situru’ tu napamanassanni to sa’bi, apa iake misa’ri to sa’bi tang silasapa tu kasa’bianna la nanii umpatei tu tau iato.

YOHANES 8:17

Na lan duka Sukaran alukmi disura’ kumua, iamo manassa tu nakatottonginna tau da’dua.

2 KORINTUS 13:1

Iamote tu ma’pentallunna kasaeangku lako kalemi. Sipatu tu mintu’na apa la napakatua kada sun dio pudukna da’dua ba’tu tallu to sa’bi.

PA’TOLE 17:6

Dio kasa’bianna da’dua ba’tu tallu tau manassa la dipatei tu to sipatu dipongko, apa dio kasa’bianna misa’ tau tae’ na la dipatei tu tau iato.

PA’TOLE 19:15

Iake misa’ri to sa’bi, tae’ nama’din bendan umpasala misa’ tau diona sala umbanna kakadakean ba’tu kasalan, tu disanga napogau’; tete dio kasa’bianna da’dua ba’tu tallu tau la manassamo to tu misa’ kara-kara.

1 TIMOTIUS 5:19

Da muperangii tu pa’parapa’na tau diona penatua, sangadi ke denni to sa’bi da’dua ba’tu tallu tau.

IBRANI 10:28

Iatu to untapa’ sukaran alukna Musa, mate dipatei tang dikaturu-turui, ke nasa’bii da’dua ba’tu tallu tau.

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.