MATIUS 18:10 - Sura' Madatu

¹⁰ Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MATIUS 18:10 ပူးပေါင်းရင်းမြစ်များ

2 SAMUEL 14:28

Ganna’ duangtaun tu Absalom torro dio Yerusalem, tae’ nama’din sitiro datu.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

ESTER 1:14

Iatu to naporengke’ kale datu, iamotu Karsena, Setar, Admata, Tarsis, Meres, Marsena na Memukan, pitu arung to Persia sia to Media, tu umpennoloi datu sia tu untorroi pangka’ mala’bi’ tongan lan kadatuan:

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

PA’PUDIAN 17:15

Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

PA’PUDIAN 34:7

Iate to mandasa iate meongli’mo, anNa tananni talinga PUANG, sia Nalendokan, dio mai mintu’ kamaparrisanna.

PA’PUDIAN 91:11

Belanna la Nakuan tu mai malaeka’Na diona iko anna rinding pala’ko dio lu lalanmu.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

ZAKHARIA 4:10

Belanna mindara tu untapa’ allo nanii bitti’pa tu mintu’ apa? Manassa la parannu penaanna tu tau iato mai, ke natiroi tu batu petimbang lan lu limanna Zerubabel. – Iate pitu apa iate iamotu matanNa PUANG tu umpenunu mintu’ lino tiku lao.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 12:20

Iatu tille kumpang tae’ Nara’pakki, sia iatu palita ma’millo mannamo tae’ duka Nala umpa’dei, sae lako Napopatalona tu pangra’ta’Na Puang Matua.

MATIUS 18:14

Ten dukamoto tu Ambe’mi dao suruga tae’ dio tu pa’poraian kumua anna sanggang misa’ te to bongko iate.

MATIUS 18:6

Minda-minda untumangi moi misa’i te to bongko umpatonganNa’, la’bi’ sia ia lako kalena ke ditoke’i batu parandangan tu barokona, nadilammu’ lan tangnga-tangnga tasik.

MATIUS 2:13

Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 24:31

Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

LUKAS 10:16

Minda-minda tu umperangiikomi, ia dukamo umperangiiNa’ na minda-minda tu untumpukomi, ia dukamo untumpuNa’, na iatu to untumpuNa’, iamo untumpui tu To mangka ussuaNa’.

LUKAS 16:22

Pakalan den pissan matemi tu to mase-mase iato, nasolanni malaeka’, naparokkoi rianna Abraham.

PENGGAURANNA RASULU’ 10:3

Umbai agi-agi te’te’ tallu makaroen napemanassami nakita bayo-bayo tu malaeka’Na Puang Matua misa’ sae umpelambi’i sia ma’kada lako nakua: E Kornelius!

PENGGAURANNA RASULU’ 12:15

Nakuami tu tau ungkuanni: Umbai bomboangko! Apa napatonganna tongan tinde baine ungkatottongi, kumua tonganna te. Nakuami tu tau: Malaeka’na ria tu.

PENGGAURANNA RASULU’ 12:23

Ta’pa napa’tongmi malaeka’Na Puang tu Herodes, belanna tang umbilang Puang Matua, Nakandemi ulli’ namate.

PENGGAURANNA RASULU’ 27:23

Belanna sangmai’ bongi den malaeka’Na Puang Matua, tu Puang kupopuang sia kupenombai, ke’de’ dio sa’deku,

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

ROMA 14:10

Na iatu iko, ma’apai mupasala siulu’mu? Ba’tu iatu iko, ma’apai ammu telle siulu’mu? Belanna mintu’ki’ sola nasang la umpentingayoi isungan pangra’tasanNa Puang Matua.

ROMA 14:21

Melo ke da mukandei tu duku’, ba’tu unniru’ uai anggoro’, ba’tu apa-apa, tu napotitumbunna penaanna siulu’mu.

ROMA 15:1

Iatu kita batta’na sipatuki’ unnala kataananta dio kalanggaranna to langga’ sia da anta patongan misa pa’poraianta.

1 KORINTUS 11:22

Tae’raka banuammi minii kumande sia mangiru’? Ba’tu mitapa’rika tu kombongan to SaraninNa Puang Matua sia mipakasiri’ tu to tae’? Apara la kukua lako kalemi? La kupudirokomika? Tae’ kupudikomi diona te iannate.

1 KORINTUS 16:11

Iamoto da naden misa’ tau umbelle’i. Apa la miparandanan melo tu la nabanna, anna pellambi’ina’, belanna ma’peagina’ sola tu to sangsiuluran untayanni.

1 KORINTUS 9:22

Lako to langga’ mendadi dukana’ to langga’, kumua angku popenturu’i tu to langga’. Anggennamo kunii unna’ga kaleku lako mintu’ tau, kumua sangapa sia manii kupamakarimmanni ba’tu pira-pira tu tau.

2 KORINTUS 10:1

Iate aku te, aku kalenamo Paulus umpakilalakomi kada kaboro’Na sia kamasokananNa Kristus, tu aku te disanga, kumua, iake sitingayoki’ umpamadionganna’ kaleku apa iake sikambelaki’ lendu’ baraningku lako kalemi.

2 KORINTUS 10:10

Belanna nakua tau, masang sia makarra’ tu kadanna lan sura’na, apa langga’ tu ambana sia tang keangga’ tu kadanna.

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

1 TESALONIKA 4:8

Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

1 TIMOTIUS 4:12

Da naden tau untunaiko belanna mangurako, sangadinna la dadiko misa’ sangka’ to ma’patongan, la diona buangan kada, la diona gau’, la diona pa’kaboro’, la diona kapatonganan ba’tu kamaseroan.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

IBRANI 9:24

Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.

KADA OMBO’ LAKO RASULU’ YOHANES 8:2

Kutiromi tu pitu malaeka’ bendan dio oloNa Puang Matua, anna diben pitu tarompe’ pua.