MATIUS 17:6 - Sura' Madatu

⁶ Iatonna rangii tinde anak gurunNa tu gamara iato, tobangmi tipessussuk, lendu’ mataku’na.

MATIUS 17:6 ပူးပေါင်းရင်းမြစ်များ

1 OSSORANNA DATU 21:16

Mentingarami tu Daud natiroi tu malaeka’Na PUANG bendan dio kasiallaranna langi’ na tana, sitangke pa’dang tinonok, umpopange’te’ limanna lako Yerusalem; attu iato tukkumi menomba rokko padang tu Daud sola tu mai pekaamberan umpennammu’ karoro’.

YEHEZKIEL 3:23

Ke’de’mo’ angku male lako lombok iato; kutiro tulangdanmo dio tu kamala’biranNa PUANG susi bang tu kamala’biran mangka kutiro dio randan salu Kebar; lumbangmo’ rokko padang.

YEHEZKIEL 43:3

Iatu patiro mendeata kutiro susi bangsiato mangkanna kutiro, tonNa sae la ussanggangi tu tondok iato, sia susito mai patiro mendeata mangka kutiro dio randan salu Kebar. Lumbangmo’ rokko padang.

DANIEL 8:17

Saemi dio tu kuninna bendan; iatonna saemo, tirambanmo’ angku tukku rokko padang, apa ma’kada lako kaleku nakua: Tandai, e ma’rupa tau, kumua iate patiro mendeata iate umpatu attu ma’katampakanna lino.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 17:7

Saemi tu Yesu ungkaka’i tinde tau sia Nakua: Malimbangunkomi sia da mimataku’.

PENGGAURANNA RASULU’ 22:7

Songkamo’ rokko padang sia kurangi tu gamara umpa’kadaina’ nakua: E Saul, Saul, ma’apari ammu pakario-rioRa’?

PENGGAURANNA RASULU’ 26:14

Iatongki songka nasangmo rokko padang, kurangimi tu gamara umpa’kadaina’, ma’basa Ibrani, nakua: E Saulus, Saulus ma’apari mupakario-rioRa’. Masussako la unteba’ pebamba ma’duri bassi.

2 PETRUS 1:18

Kami kalenamo mangka urrangii te gamara lu dao mai langi’, tongki sisola dao buntu maindan.

TO PARENGNGE’ 13:20

Iatonna marassan tu api dukku diong mai inan pemalaran ma’lantang-lantang langngan langi’, kendekmi tu Malaeka’Na PUANG lan to’ dukku api diong mai inan pemalaran. Iatonna tiromi Manoah sola bainena tu iannato tukkumi sae rokko padang.

TO PARENGNGE’ 13:22

Ma’kadami tu Manoah lako bainena, nakua: Manassa la mateki’, belanna mangkamoki’ untiro Puang Matua.