MATIUS 17:25 - Sura' Madatu

²⁵ Nakuami: Nabaya’. Iatonna tamamo banua tu Petrus, Napadoloimi Yesu umpa’kadai, Nakua: E Simon, umbara musanga? Mindara nanii tu mai datu lan te lino unnala sassung ba’tu sima? Dioraka mai anakna ba’tu dio mai to salian?

MATIUS 17:25 ပူးပေါင်းရင်းမြစ်များ

MATIUS 17:26

Nakuami mebali: Dio ia mai to salian. Nakuami Yesu lako: Iake susii to, lessu’ ia tu mai mintu’ anak datu.

MATIUS 22:17

Iamoto pokadangkanni, umbara Misanga? Sipaturaka disorong tu sima lako datu kapua, tae’raka?

MATIUS 22:19

PakitanNa’ tu doi’ diposima. Nabammi lako tu dinara’ misa’.

MATIUS 22:21

Nakuami tu tau mebali: Datu. Nakuami Yesu lako tau iato: Iamoto dadi pennoloanni lako datu kapua tu apanna datu kapua, sia lako Puang Matua tu apanNa Puang Matua.

MATIUS 3:15

Apa mebali Yesu sia Nakua ungkuanni: Da’ito belanna susimoto sipatuki’ ussundunni tu natuntunna sukaran aluk. Naturu’Mi.

LUKAS 20:22

sipaturakannika la ussorong sima lako datu kapua, tae’raka?

1 SAMUEL 17:25

Ma’kadami tu misa’ to Israel, nakua: Mitiroraka tu to male lako tingayo? Ia sia namale lako tingayo to la unnape to Israel! Minda-minda umpatei la naben datu kasugiran kapua sia la naben anakna napobaine sia mintu’ sangdadianna tang dipopassima sia tang dipopa’jama.