MATIUS 17:20 - Sura' Madatu

²⁰ Nakuami ungkuanni: Tu belanna mandalle’ pa’patonganmi. Apa tonganna Kukua mati’: iake denni kapatonganammi pada lise’ sawi, ammi kua lako te buntu: Tilengka’ko indete lako, manassa tilengka’; inang tae’ tu tang la dadi dio kalemi.

MATIUS 17:20 ပူးပေါင်းရင်းမြစ်များ

MATIUS 13:31

Napokada pole’omi tu pa’pasusian senga’ misa’ dio tingayona tinde tau, Nakua: Iatu Parenta Suruga susi lise’ sawi sanglise’, naala tau natananni lan pa’lakna.

MATIUS 14:29

Nakuami: Maimoko. Mengkalaomi tu Petrus dao mai lembang, nama’lingka untete uai la umpellambi’i Yesu.

MATIUS 17:17

Mebalimi tu Yesu Nakua: E bati’ to tang ma’patongan sia to leko’ penaanna, sangapaPa’ la ussisolangkomi? Sia sangapaPa’ la umpama’tanangkomi penaa? Solanni mai.

MATIUS 17:19

Iatonna iato sae misami tu anak gurunNa lako Yesu sia nakua: Ma’apai kami natae’ kibelai urrambai tu deata?

MATIUS 17:9

Iatonna solo’mo dao mai buntu iato, ma’pakainga’mi tu Yesu lako tinde tau sia Nakua: Da mipokada lenni te mikitanna lako misa’ duka tau, ke tae’pi Namalimbangun tu Anak rampan dilino diong mai to’ to mate.

MATIUS 21:21

Mebalimi Yesu sia Nakua lako tau iato mai: Tonganna tongan Kukua lako kalemi, iake denni kapatonganammi sia tae’ mibata-bata, tae’ nasusinna manna te dipogau’ lako kayu ara ma’din mipogau’ sangadinna iake mikua ungkuanni te buntu: Tiangka’ko ammu tipembuang rokko tasik, tae’ natang dadi.

MATIUS 8:26

Nakuami ungkuanni: Ma’apai ammi mataku’, e to tangkan ma’patongan? Mangkato milikmi, Nata’tanni tu angin sia bombang; rapa’ bangmi.

MARKUS 11:22

Mebalimi Yesu sia Nakua lako tau: Patonganni tu Puang Matua.

MARKUS 11:23

Tonganna tongan, Kukua mati’, minda-minda tu ma’kada lako te buntu kumua: Tiangka’ko ammu tipemparrak rokko tasik! natae’ nabata lan penaanna sangadinna nakatappa’i kumua la dadi tu napokadanna, manassa dadi duka tu napokadanna.

MARKUS 4:31

Susito lise’ sawi sanglise’; iake diambo’i rokko padang iamo bitti’na na iatu mintu’ lise’ diong padang;

MARKUS 9:23

Apa Nakua Yesu mebali lako: Umba nakua: Ke la den siai Miola lako? Mintu’na apa naola nasang, ke to ma’patongan.

LUKAS 1:37

Belanna denraka tang dadi ke Napokadami Puang Matua?

LUKAS 17:6

Nakuami Puang: Iake denni kapatonganammi moi pada lise’ sawi, ammi kua lako te kayu karato: Tilampi’ko, ammu tuo lan tasik, manassa la naturu’ tu kadammi.

LUKAS 18:27

Nakuami Yesu: Iatu nasanganna tolino tae’ nadadi tae’ natang dadi ke Puang Matua.

YOHANES 11:40

Nakuami Yesu ungkuanni: Tang mangkamoraka Kukua mati’, iake ma’patonganko la untiroko kamala’biranNa Puang Matua?

1 KORINTUS 12:9

Na iatu to senga’, kapatonganan tete dio duka Penaa iato; na senga’na, pa’kamase ma’pamaleke tete dio duka bangsia tu Penaa misa’.

1 KORINTUS 13:2

Sia moi angku appa’ pa’kamase ma’nubua’, sia unnissan mintu’ membuninna sia mintu’ kapaissanan, sia moi angku ampui kapatonganan tae’ sayuanna, naurunganni ma’dinna’ umpalengka’ buntu, apa ke tae’i kuampui pa’kaboro’, manassa moi misa’ tae’ patungku.

IBRANI 3:19

Iamoto payan lako kaleta kumua tae’ nama’din tau iato tama, belanna tae’ nama’patongan.