MATIUS 17:18 - Sura' Madatu

¹⁸ Nasarabaimi Yesu, nasun lan mai kalena tu deata masussuk; ta’pa matanami tinde pia to attu iato.

MATIUS 17:18 ပူးပေါင်းရင်းမြစ်များ

MATIUS 12:22

Tonna iato nabaami lako Yesu tu to natamai deata masussuk misa’, to buta sia mamang; Napamatanami, anna ma’kada-kada tu to mamang iato sia pakita.

MATIUS 15:28

Mebalimi Yesu, sia Nakua lako: E baine! matoto’ tongan kapatonganammu; dadimo lako kalemu susitu mukamorainna. Matana bangsiami tu anakna baine to attu iato.

MATIUS 17:17

Mebalimi tu Yesu Nakua: E bati’ to tang ma’patongan sia to leko’ penaanna, sangapaPa’ la ussisolangkomi? Sia sangapaPa’ la umpama’tanangkomi penaa? Solanni mai.

MATIUS 17:19

Iatonna iato sae misami tu anak gurunNa lako Yesu sia nakua: Ma’apai kami natae’ kibelai urrambai tu deata?

MATIUS 9:22

Apa messaile tu Yesus, anNa kitai, Nakuami: E anakKu, parapa’i tu penaammu, kapatonganammumo umpatuoko. Maleke bangsiami tinde baine to attu iato.

MARKUS 1:34

Budami tau Napamaleke tu nasanta’ ma’rupa-rupa saki sia buda deata masussuk Narambai, natae’ Natangga’i tu deata masussuk ma’kada-kada belanna natandai deata masussuk tu Yesu.

MARKUS 5:8

Belanna Nakuamo Yesu lako: E deata masussuk, mallaiko lan mai tau iate.

LUKAS 4:41

Buda tau nanii sun deata masussuk melalla-lalla lan mai kalena, nakua: Kamumo tu AnakNa Puang Matua. Nata’tanmi, tang Natangga’ ma’kada, belanna natandaimo, kumua inang iamotu Mesias.

LUKAS 8:29

Tu belanna Nasuamo Yesu tu deata masussuk soro’ dio mai kalena tinde tau, apa masaimo tu deata iato untamai; narantemo sia napungo tau tu lentekna, la napatorro, apa naka’tu-ka’tu tu pungona, napallaianni deata masussuk lako padang pangallaran.

LUKAS 9:42

Iatonna la saemo napandasami deata masussuk napopa’lisu sarongi. Apa Nasarabai Yesu tu deata masussuk, Napamalekei tu pia, Namane umbenni ambe’na sule.

PENGGAURANNA RASULU’ 16:18

Ia bang napogau’ ba’tu pirang-pirang allo to; apa masorro tu Paulus, namenggirik sia nakua ungkuanni tu deata: Tete dio sanganNa Yesu Kristus angku suako soro’ dio mai kalena. Ta’pa soro’ bangsiami dio mai kalena.