MATIUS 16:20 - Sura' Madatu

²⁰ Napakare’nami tu anak gurunNa, da napokadai lako misa’ duka tau, kumua Iamo Kristus.

MATIUS 16:20 ပူးပေါင်းရင်းမြစ်များ

MATIUS 1:16

na Yakub undadian Yusuf, muanena Maria; iamotu Maria undadian Yesu, tu digente’ Kristus.

MATIUS 16:16

Mebalimi Simon Petrus, nakua: Kamumo Kristus, AnakNa Puang Matontongan.

MATIUS 17:9

Iatonna solo’mo dao mai buntu iato, ma’pakainga’mi tu Yesu lako tinde tau sia Nakua: Da mipokada lenni te mikitanna lako misa’ duka tau, ke tae’pi Namalimbangun tu Anak rampan dilino diong mai to’ to mate.

MATIUS 8:4

Nakuami Yesu lako: Kanandai tonganni, da mupokada lenni, moi lako misa’ duka tau, sangadinna malemoko umpa’pekitanan kalemu lako to minaa sia pemalaranni tu pemala’ napa’peannan Musa, tu la mendadi tanda lako tu tau.

MARKUS 8:30

Napa’pakare’nammi kumua da napokadai tu iannato lako misa’ duka tau.

MARKUS 9:9

Iatonna solo’mo dao mai buntu iato ma’pakare’nami tu Yesu lako tinde tau kumua, da napokada lenni lako misa’ duka tau tu apa mangka nakita, ke tae’pi Namalimbangun tu Anak rampan dilino dio mai to’ to mate.

LUKAS 2:11

kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

LUKAS 9:21

Napakai’timi sia Napakare’na-re’na tongan Yesu, kumua da napokadai tu iannato moi lako misa’ duka tau.

LUKAS 9:36

Iatonna den tu gamara iato Yesu mannamo misa-misa. Napa’loko-lokoi bangmi sola tallui, sia tae’ bang misa’ naulelean lako to senga’ tonna iato tu diona penggauran mangka natiro.

YOHANES 1:41

Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

YOHANES 11:27

Nakuami Marta mebali lako: O Puang, aku te kupatongan kumua Kamumo tu Mesias, AnakNa Puang Matua, tu sipatu sae tama te lino.

YOHANES 20:31

apa iate iannate mangkamo disura’, ammi katappa’i kumua iatu Yesu Iamo Mesias, tu AnakNa Puang Matua, sia kumua diona kapatonganammi mipotuoi tu sanganNa.

PENGGAURANNA RASULU’ 2:36

Iamoto la naissan tongan mintu’ to ma’rapu Israel kumua Puang Matuamo umpadadiI Puang sia Kristus tu Yesu, tu mia’ta’.

1 YOHANES 2:22

Mindara tu to mo’rang, ke tang to umpeonganni Yesu, kumua tangia Kristus? Na iatu to umpeonganni Ambe’ sia Anak, iamoto tu uali Kristus.

1 YOHANES 5:1

Minda-minda umpatonganni kumua Yesu tu Kristus, tau iato lu dio mai Puang Matua; sia minda-minda tu ungkamasei Puang Matua, tu mangka undadian pole’i, iamo umpakaboro’ to lu dio mai Kalena.