MATIUS 16:19 - Sura' Madatu

¹⁹ La Kubenko tu gontingna Parenta Suruga. Sia apa-apa tu muarra’i lan lino, ia dukamo la maarra’ lan suruga, sia apa-apa tu muko’ka’i lan lino, ia dukamo la tiko’ka’ lan suruga.

MATIUS 16:19 ပူးပေါင်းရင်းမြစ်များ

MATIUS 18:18

Tonganna tongan Kukua mati’: apa-apa tu miarra’i lan lino, iamo la maarra’ lan suruga, sia apa-apa tu miko’ka’i lan lino, tiko’ka’ duka lan suruga.

YESAYA 22:22

Sia iatu gonting ba’ba tongkonan layukna Daud, la Kupalangngan palempengna, anna bungka’i, natae’ misa’ tau la untutu’i sule, anna tutu’i, natae’ misa’ tau la umbungka’i.

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 3:7

Surasanni malaeka’ kombongan Filadelfia susite: Iamote tu kada lu dio mai Puang maindan sia tongan, tu untoe gontingna Daud, tu umbungka’i, nata’e misa’ tau ungkullei untutu’i, sia Ia untutu’i natae’ misa’ tau ungkullei umbungka’i:

YOHANES 20:23

Minda-minda mipagarri’ tu kasalanna, masero tu kasalanna, sia minda-minda mipasisurung kasalanna, la sisurung kasalanna.

KADA OMBO’ LAKO RASULU’ YOHANES 11:6

Kuasa ia sola duai la untampun langi’, kumua da nasae uran, ke tontongpi sola duai ma’nubua’, sia kuasa sola duai umpopendadi rara uai, sia umparampoi ma’rupa-rupa kasanggangan tu lino pempiran-piran, tu naporainna.

2 KORINTUS 2:10

Minda-minda tu mipagarri’ kasalanna, kupagarri’ duka kasalanna, belanna apa-apa tu mangkamo kupagarri’, ke denni tu sipato’na la kupagarri’, kupagarri’ diona kamu dio oloNa Kristus,

KADA OMBO’ LAKO RASULU’ YOHANES 9:1

Iatu malaeka’ ma’pellimanna umpannoni tarompe’ puana, angku tiroi misa’ bintoen mangka ronno’ dao mai langi’ tama lino; dibenmi gonting garonggong posi’ tana lambe’.

1 TESALONIKA 4:8

Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

PENGGAURANNA RASULU’ 15:7

Iatonna sisakka kapuamo, ke’de’mi tu Petrus anna ma’kada lako tinde tau, nakua: E kamu siulu’ki, miissan kumua masaimo’ Napilei Puang Matua te kita sola nasang, anna rangii to kapere’ tu kada Kareba-kaparannuan sun dio pudukku, anna ma’patongan.