MATIUS 16:18 - Sura' Madatu

¹⁸ Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 16:18 ပူးပေါင်းရင်းမြစ်များ

KADADIAN 22:17

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna.

2 SAMUEL 18:4

Nakuami datu: Iatu apa misanga melo, iamo la kuturu’. Ke’de’mi tu datu dio biring babangan kota tonna marassan tu mintu’ surodadu tassu’ sisaratu’-ratu’ sia sisangsa’bu-sa’bu.

AYUB 38:17

Dipasombomoraka lako kalemu tu babangan lino tomate, sia mutiromoraka tu babangan lino lillinan parrak?

PA’PUDIAN 107:18

Iatu penaanna nakoda’ ma’rupa-rupa kande, naurunganni sidi’mora natileak tama bambana mukkun.

PA’PUDIAN 127:5

Maupa’ tu to ponno tinaran tu tambilana, tau iato mai tae’ anna la kasirisan, ke sibisarai balinna dio babangan tondok.

PA’PUDIAN 129:2

Madada’na’ napakario-rio tau tempon dio mai mangurangku, apa tae’ sia anna talona’.

PA’PUDIAN 69:12

Sia iatongku potamangkale karoro’ napoparumbasanna’ tau iato mai.

PA’PUDIAN 9:13

belanna Ia tu To umpembaliangan to’doan rara, Nakilalai tu tau iato mai, tae’ anNa tananni boko’ tu pengkamoyana to dipandasa!

SARAMBU PEADA’ 24:7

Iatu to baga tae’ nalambi’i tu kakinaan; tae’na tiku’bi’ tu pudukna lan to’ babangan.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 28:6

Sia la napopenaa ma’paolai salu mintu’ to unnisungi isungan pa’paolaian salu, sia la napomatoto’ to umpasoro’ kasirarian sae lako babangan.

YESAYA 38:10

Kukua: Mane tauna’ angku la lumingkamo lako babangan lino tomate, iatu apa torro dio mai mintu’ katuoangku la sisayuranna’.

YESAYA 54:17

Mintu’ tu pa’buno digaraga la unneako, tae’ anna la lolo’ sia mintu’ lila unneako lan inan pa’paolaian salu, la musau’. Iamote tu taa mana’na mintu’ taunNa PUANG, sia patu borongna tau iato mai tu lu dio mai Kaleku, kadanNa PUANG.

YUNUS 2:6

Mengkalaomo’ rokko parandanganna mintu’ buntu; iatu salli’na te lino diomo boko’ku tontong sae lakona. Attu iato Miriu’mo langngan tu deatangku diong mai bambana mukkun, o PUANG, Kapenombangku.

MATIUS 10:2

Inde sia tu sanganna tu rasulu’ sangpulo dua: Bunga’na Simon tu diganti Petrus, sia Andreas siulu’na; sia Yakobus, anakna Zebedeus, sia Yohanes siulu’na Yakobus;

MATIUS 11:23

Na iko, e Kapernaum! Ikomoraka la dipekalangka’i sae langngan langi’? La sarokko-rokkonako ria sae tama lino to mate, belanna iakenna lan Sodom nanii mangka dadi tu tanda mangnga dadi lan lili’mu, inang la tontong ia sae lako te attu iate.

MATIUS 18:17

Na iake natumpui tu kadanna tinde tau, pokadai tu iannato tama kombongan; apa iake tae’ siaoi naperangii da’ito nabutung to kapere’ sia passima lako kalemu.

MATIUS 4:18

Iatonna sumalong-malong dio randan tasik Galilea, Nakitami tu Petrus sola siulu’na disanga Andreas, marassan umbuang dalla’ diong tasik, belanna tau iato pa’dalla’.

MATIUS 7:24

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

YOHANES 1:42

Nasolammi lako Yesu. Napatontongimi mata Yesu Nakua: Iko te Simon, anakna Yohanes, la disangamoko Kefas, ke dipallemba’i battuananna Petrus.

PENGGAURANNA RASULU’ 2:47

sia umpudi Puang Matua, anna porai mintu’ pa’tondokan. Kiallo-kiallo Naranganni Puang to dikarimmanni tu kombongan iato.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

PENGGAURANNA RASULU’ 8:1

Naporaimi Saulus tu diona Stefanus mate dipongko. Tonna attu iato narampoimi kadipakario-rioan kapua tu kombongan to Sarani dio Yerusalem, natisambo’-sambo’ dio lu mintu’ tana Yudea sia Samaria, ia mannamo tu mai rasulu’.

1 KORINTUS 15:55

E kamatean, umbamira tu kapataloammu? E kamatean, umbamira tu pasui’mu?

GALATIA 2:9

iatonna kanassami tinde tau tu pa’kamasean disorong lako kaleku, sitoe limamo’ sola Barnabas tu mai sia Yakobus na Kefas na Yohanes, tu dibilang paloloan kombongan, tanda kasisanginaan, kumua angki lu lako to kapere’, anna lu lako ia to disunna’.

EFESUS 3:10

kumua anna pa’peissananni kombongan totemo lako mintu’ to ma’parenta sia to paa dao suruga tu ma’rupa-rupa kakinaanNa Puang Matua,

EFESUS 5:32

Kapua te rasia iate, apa kuala sangka’ri inde te tu diona Kristus anna kombongan.

KOLOSE 1:18

sia Iamo Ia ulunna batang kale, iamotu kombongan; Iamo tipamulanna sia pa’bunga’ malimbangun dio mai to’ to mate, kumua anna lan mintu’na angge maritik Iamo ma’iringanna.

1 TIMOTIUS 3:15

Apa iake marempana’ male mati’, muissanmo to, kumua umba nakua sipato’na tu gau’na tau lan banuanNa Puang Matua, iamotu kombonganNa Puang Matua matontongan, napopatongkon sia napoparandangan katonganan.

1 TIMOTIUS 3:5

Apa iake tang naissanni tu tau umparenta to lan banuanna, umba la nakua ungkambi’i tu kombonganNa Puang Matua?

IBRANI 12:28

Iamoto, belanna untarimaki’ parenta tang tibendon, sipatuki’ ma’kurre sumanga’, anna tete inde to anta kullei menomba susitu Naporainna Puang Matua, naturu’ pa’pakaraya sia kamatakuran.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 21:14

Benteng tondok iato sangpulo dua parandanganna, nadisura’ dao tu sanganna sangpulo dua rasulu’Na Anak domba.