MATIUS 16:17 - Sura' Madatu

¹⁷ Mebalimi Yesu sia Nakua ungkuanni: Maupa’moko, e Simon, anakna Yunus! Belanna tangia mentolinona umpaombo’i lako kalemu tu iannato, sangadinna Ambe’Ku dao suruga.

MATIUS 16:17 ပူးပေါင်းရင်းမြစ်များ

YESAYA 54:13

Na mintu’ tu anakmu la Naada’i PUANG sia la kapua kasalamaranna mintu’ anakmu.

LUKAS 22:32

apa mangkamoko Kupassambayangan, da napinda tu kapatonganammu, dadi iammu mangkamo mengkatoba’, pabatta’i tu penaanna mintu’ siulu’mu.

YOHANES 1:42

Nasolammi lako Yesu. Napatontongimi mata Yesu Nakua: Iko te Simon, anakna Yohanes, la disangamoko Kefas, ke dipallemba’i battuananna Petrus.

YOHANES 6:45

Den disura’ lan sura’na nabi kumua: Mintu’na to tau iato la Naada’i Puang Matua. Na minda-minda tu urrangimi sia melada’ lako Ambe’, iamo sae lako Kaleku.

1 KORINTUS 15:50

Apa inde sia tu kadangku, e kamu siulu’ku, kumua iatu kale tolinona tae’ nama’din umpomana’ ParentaNa Puang Matua; sia iatu apa la sanggang tae’ nala umpomana’ apa tang la sanggang.

GALATIA 1:16

la umpaombo’i tu AnakNa lan kaleku, kumua angku pa’peissananNi dio lu to kapere’, ta’pa tae’ bangsiami angku timbang mandalanni tu a’gan tolino;

EFESUS 2:8

Belanna tete dio kamaturu-turuan iato ammi dikarimmanni diona kapatonganan, anna iatu iannato tangia tuo dio mai kalemi, sangadinna pa’kamaseanNa Puang Matua,

EFESUS 3:5

– tu tae’ bangpa nadipa’peissanan len tonna dolona lako mintu’ tarukna Adam, susitu Napaombo’ Penaa totemo lako mintu’ rasulu’ sia nabi masallo’Na –

EFESUS 6:12

Belanna tangia padanta ma’rupa tau tasiean, sangadinna mintu’ to ma’parenta sia to paa sia pangulunna lino tu umparenta kamalillinan iate sia mintu’ kuasa deata masussuk dao langi’.

IBRANI 2:14

Iamoto belanna iatu mintu’ anak pada ma’rara ma’duku’, Ia duka unnala a’gan susito, kumua anNa bannang dio kamatean Nanii umputtai tu to untoe kuasa umpabu’tu kamatean, iamotu deata bulituk.

1 PETRUS 5:1

Inde sia tu pa’pakilalangku lako mintu’ penatuammi – belanna pada penatua dukana’ sia to umpemanassa diona mintu’ kamaparrisanNa Kristus, sia umpotaa kamala’biran la dipasombo undinna: –

1 YOHANES 4:15

Minda-minda unnakui kumua Yesumo tu AnakNa Puang Matua, la torro tu Puang Matua lan kalena anna ia duka torro lan Puang Matua.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.