MATIUS 15:4 - Sura' Madatu

⁴ Belanna Nakua Puang Matua: Kasiri’i tu ambe’mu sia indo’mu sia: Minda-minda unggatai ambe’na ba’tu indo’na, iamo la mate dipongko.

MATIUS 15:4 ပူးပေါင်းရင်းမြစ်များ

KATASSURAN 20:12

Kasiri’i tu ambe’mu sia indo’mu, anna dipamalambe’ tu sunga’mu lan tu tondok Nakamaseangko PUANG, Kapenombammu.

KATASSURAN 21:17

Sia minda-minda unggantan ambe’na ba’tu indo’na, manassa la dipatei.

SARAMBU PEADA’ 20:20

Minda-minda untampakki ropu ambe’na sola indo’na, la pa’de tu sulona, ke lillinan parrakki.

SARAMBU PEADA’ 23:22

Perangii tu kadanna ambe’mu tu mangka undadiangko, sia da musayui tu indo’mu, ke matuami.

SARAMBU PEADA’ 30:17

Iatu mata untelle-telle ambe’na sia tang umbilang kamengkaolan lako indo’na, la natotokki kaduaya diong biring salu’-salu’ sia la nakande anak langkan maega.

YESAYA 8:20

Lako (manna) pepasan sia kada dipaombo’! Minda-minda tu ma’kada tang sipatu kada iato, tae’ anna la sitiro arrang melambi’.

SURA’ KATOMINAAN 19:3

Pantankomi la ungkasiri’ indo’mi sia ambe’mi sia la ungkaritutui tu allo katorroangKu: Akumo tu PUANG, Kapenombammi.

SURA’ KATOMINAAN 20:9

Iake denni misa’ tau, tu unggatai ambe’na ba’tu indo’na, manassa tau iato la dipatei, belanna unggatai ambe’na ba’tu indo’na, iamoto anna passan kalenai tu rarana.

MATIUS 15:3

Mebalimi Yesu sia Nakua ungkuanni tinde tau: Ma’apai anna kamu duka untengkai Sukaran alukNa Puang Matua tu belanna aluk panganna to dolomi?

MATIUS 15:5

Apa mikua kamu: Minda-minda tu ma’kada lako ambe’na ba’tu indo’na kumua: Iatu la mipotuona tu lu diona mai kaleku, iamo kupenomban (lako Puang Matua);

MATIUS 19:19

Kasiri’i tu ambe’mu sia indo’mu, sia: Kamasei tu padammu tolino susi kalemu.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

ROMA 3:31

Iake susito, umpadamparakannika Sukaran aluk belanna kapatonganan? Inang tae’ ia to; sangadinna untonganangkan Sukaran aluk.

EFESUS 6:1

E kamu mintu’ pia, turu’i tu kadanna indo’ ambe’mi tete dio Puang, belanna inang iamo sipato’na to.

PA’TOLE 27:16

Tampak ropu lako to umpamatuna ambe’na ba’tu indo’na. Anna mintu’ bangsa mebali nakua: Amin.

PA’TOLE 5:16

Kasiri’i tu ambe’mu sia indo’mu, susitu Napepasanammo PUANG, Kapenombammu, lako kalemu, anna dipamalambe’ tu sunga’mu sia malaga’-laga’ko lan tondok tu Nakamaseangko PUANG, Kapenombammu.