MATIUS 15:31 - Sura' Madatu

³¹ tu to buda, untiroi tu to mamang ma’kada-kada, to kope limanna matoto’, sia to kupi’ lumingka, sia to buta pakita; napakala’bi’mi tu Kapenombanna to Israel.

MATIUS 15:31 ပူးပေါင်းရင်းမြစ်များ

KADADIAN 32:28

Nakuami tinde tau: Tae’mo mudisanga Yakub, sangadinna Israel, belanna mangkamoko sirari Puang Matua sia tolino ammu patalo.

KADADIAN 33:20

Indemoto nanii umpabendan misa’ inan pemalaran, nasangai: Kapenombanna Israel tu Kapenomban tongan.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

MATIUS 15:30

Budami tu tau sae lako Kalena umbaa to kupi’ sia to kope limanna sia to buta sia to mamang, sia buda to senga’ natarru’ umpatorroi diong to’ lentekNa Yesu. Napamalekemi tu tau, naurunganni mangnga bangmi

MATIUS 18:8

Iamoto, iake limammu ba’tu lentekmu untumangko, ta’takki mutibei, belanna la’bi’ sia ia ke popponko ba’tu sondo’ko tama katuoan na iake dio patomalii tu limammu sia lentekmu mudipembuangan tama api tontong sae lakona.

MATIUS 21:14

Saemi lako Kalena lan Banua Kabu- sungan tu to buta sia to kupi’, Napa- mondoi.

MATIUS 8:10

Iatonna rangimi Yesu tu kada iato mangngami sia Nakua lako to undi unturu’I: Kukua mati’: Tonganna tongan moi misa’ lan mai to Israel, tae’ bangpa Kuappa’ tu kapatonganan susi matoto’na te.

MATIUS 9:32

Tonna male tinde tau nabaa pole’omi tau lako Yesu tu to mamang misa’ natamai deata masussuk.

MATIUS 9:33

Iatonna rambaimi sun tu deata masussuk, ma’kada-kadami tinde to mamang. Mangngami tu to buda sia nakua: Tae’pa ditiro len tu susinna te dio to Israel.

MATIUS 9:8

Iatonna tiromi to buda tu iannato, mataku’mi sia umpudi Puang Matua, tu umpa’kamasean kuasa susito lako to lino.

MARKUS 2:12

Ta’pa millik bangsiami, naalai tu ampa’na, namale lako salian dio tingayona mintu’ tau, anna tiramban nasang tu tau sia umpangke’ Puang Matua, nakua: Aa, tae’ bangpa kibelai untiroi tu susinna te!

MARKUS 7:37

Lendu’ tonganmi tirambanna tu tau nakua: Melo nasang tu Napogau’na Napaparangi tu to taru sia to mamang Napopa’kada-kada.

MARKUS 9:43

Sia iake limammu untumangko, ta’takki; belanna la’bi’ sia ia, ke popponko tama katuoan sae lako, na iake dio patomalii tu limammu ammu tama naraka, tama to’ api tang pa’de-pa’de;

LUKAS 14:13

Sangadinna iake la untoratukomi tau, iari tu to kalala’ tambai sia to sala’ dadi, sia to sondo’ sia to buta.

LUKAS 14:21

Nasusito sule bangmi tinde kaunan lako puangna umpokadanni tu mintu’nato. Sengkemi tu ampu banua, nakua lako kaunanna: Maleko madomi’ lan lu tondok, mubaai dio mai tu mintu’ to kalala’ sia to sala’ dadi, sia to buta sia to sondo’.

LUKAS 18:43

Ta’pa pakita bang siami naundi urrundu’ Yesu umpakaraya Puang Matua. Iatonna tiromi mintu’ tau tu iannato, umpudi-pudi dukami Puang Matua sola nasang.

LUKAS 7:16

Iatu tau mintu’, saemi kamatakuranna, naumpakaraya Puang Matua, nakua: Misa’ nabi kapua bendanmo lan tondokta, sia Natontongimo Puang Matua tu to Napilei.

YOHANES 9:24

Natambai pole’omi tinde to buta pakitamo, sia nakua ungkuanni: Pangke’I tu Puang Matua! Kami te kiissan kumua to kasalan tu.