MATIUS 15:24 - Sura' Madatu

²⁴ Mebalimi Nakua: Tae’ra Kudisua lako senga’na sangadinna lako mintu’ domba pa’dena to Israel.

MATIUS 15:24 ပူးပေါင်းရင်းမြစ်များ

YESAYA 53:6

Pusamiki’ sola nasang susi domba, pantan unnula’moki’ lalanta, apa mintu’ kakadakeanta Napalulako PUANG TaunNa.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

YEHEZKIEL 34:23

Attu iato la Kuangka’ tu misa’ to mangkambi’ dio lu tau iato mai, tu la ungkambi’i, iamotu Daud, taungKu. Iamoto tu la ungkambi’i tau iato mai, sia dadi to mangkambi’na tau iato mai.

MATIUS 15:23

Apa moi sangbuku duka kada tae’ Napebalian lako baine iato. Saemi tu anak gurunNa urreke’I napalakui nakua: suai tu baine iatu male, belanna undi bang melalla-lalla dio boko’ta.

MATIUS 18:11

(Belanna iatu Anak rampan dilino sae la ungkarimmanni tu pa’dena.)

MATIUS 9:36

Iatonna tiroi tu to buda, tilaomi masseNa lako tau iato mai, belanna mauyu bangmo sia bo’yok susi domba tae’ to mangkambi’na.

PENGGAURANNA RASULU’ 13:46

Apa batta’ tu Paulus sola Barnabas ma’kada nakua: Sipatu kamu la dolo dipokadan tu kadanNa Puang Matua, apa belanna mitumpu sia misanga tang sipatu katuoan sae lakona tu kalemi, angki lu lako kami to kapere’.

ROMA 15:8

Indemi pole tu kadangku kumua: iatu Kristus mangkamo mendadi to ma’kamayana to disunna’, tu belanna kamanapparanNa Puang Matua, kumua anNa arra’i tu pangallu’Na lako nene’ to dolota;