MATIUS 15:1 - Sura' Madatu

¹ Tonna iato, saemi lako Yesu tu mai to Farisi sia pandita Sura’ dio mai Yerusalem sia nakua:

MATIUS 15:1 ပူးပေါင်းရင်းမြစ်များ

MATIUS 23:2

Iatu pandita Sura’ sia to Farisi unnisungi isunganna Musa.

MATIUS 5:20

Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

MARKUS 3:22

Nakuami tu pandita Sura’ tu saemo dio mai Yerusalem: Narondong Beelzebul sia pa’tunduanna pangulunna deata masussuk anNa rambai tu mintu’ deata.

LUKAS 5:17

Dikua den sangallo mukkunmo mangada’i, naden ba’tu pira to Farisi unno’ko’ dio sia pandita Sukaran aluk, tu pantan sae dio mai mintu’ tondok Galilea sia Yudea, sia dio mai Yerusalem, sia kamatotoranNa Puang Matua dio ren, anNa matoto’ Yesu umpamalekei tu tau.

LUKAS 5:21

Mintu’na pandita Sura’ sia to Farisi naparandukmo ma’tangnga’-tangnga’ sia ma’kada kumua: To apara Ia te ma’kada solang bang? Minda pole’ tu la umpa’dei kasalan, sangadinna Puang Matua?

LUKAS 5:30

Iatu to Farisi sia pandita Sura’ situmberu’-beru’, nakua lako anak gurunNa: Ma’apari ammi kumandera sia mangiru’ sola passima sia to kadake gau’na?

YOHANES 1:19

Inde sia tu nakatottongi Yohanes, tonna ussua to minaa sia to Lewi tu to Yahudi dio mai Yerusalem la lao umpekutananni lako, kumua: Mindarakomi?

PENGGAURANNA RASULU’ 23:9

Bu’tumi kamarukkan kapua, nake’de’ ba’tu pira-pira tu pandita Sura’ dio to Farisi massita’gen nakua: Tae’ bangra kakadakeanna kiappa’ te tau iate; iake napa’kadai tongannia’gan penaa ba’tu malaeka’, la naposalaoraka?

PENGGAURANNA RASULU’ 25:7

Iatonna saemo ke’de’mi tu to Yahudi sae dao mai Yerusalem untalimbungi, naaroanni tu kara-kara masang, tu tang naissanna tinde tau umpamanassai.