Apa iatonna rangimi Yoyakim sia mintu’ pangulunna sia arungna tu kadanna, nadakarammi datu lalan la napatei. Iatonna rangimi Uria tu diona to, mataku’mi anna mallai rampo lako Mesir.
Belanna saemo tu Yohanes lako kalemi umpadulluangkomi lalan kamaloloan, anna tae’ mipatonganni. Apa napatonganmo ia passima sia baine sala’ kedo. Tonganna iate kamu te mitiromo tu iannato, apa tae’ duka mimengkatoba’ undinna, ammi patonganni.
Apa sanapakarrang-karrangna, namane urrampananni sola duai; belanna tae’ nakabu’tui tu la naninna umpa’peukunganni, apa mataku’ lako to buda, belanna umpakala’bi’ nasang Puang Matua tu tau diona tu apa mangka dadi.
Tonna iato laomi pangulu Banua Kabusungan sola pa’ronda’na unnalai tu mai rasulu’, apa tae’ naala maparrangi, belanna mataku’ la natumbui batu to buda.