MATIUS 14:20 - Sura' Madatu

²⁰ Kumandemi sola nasangi sadia’na. Naalaimi tau tu roti sesanna tu mangkanna ditepu-tepu sangpulo dua karandang ponno.

MATIUS 14:20 ပူးပေါင်းရင်းမြစ်များ

KATASSURAN 16:12

Kurangimo tu pa’nuku-nukunna to Israel; pokadanni, kumua iate makaroen iate la ungkandekomi duku’, anna masiang melambi’ la dipedia’ikomi roti, ammi issanni, kumua Akumo tu PUANG, Kapenombammi.

KATASSURAN 16:8

Sia nakuapa Musa: Iake Napakandekomi duku’ PUANG te makaroen iate sia masiang melambi’ roti sadia’mi, iamotu belanna Narangimo PUANG tu pa’nuku-nukummi, tu mipa’nuku-nukuan lako Kalena. Apa tau aparakanni te? Iate pa’nuku-nukummi tae’ nalulako kaleki, sangadinna lu lako PUANG.

SARAMBU PEADA’ 13:25

Iatu to malambu’ la kumande sadia’na, apa iatu tambukna to tang mekaaluk la lo’bang.

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.

HAGAI 1:6

Buda tu miambo’, apa ia tu mialanna sidi’ri; kumandekomi, apa tae’ midia’; mangiru’komi, apa tae’ nabossakomi, ma’pakeankomi, apa tae’ namalassu tu kalemi, sia minda-minda tu male sumaro, untarima sarona lan poro’-poro’ lo’po’.

MATIUS 14:21

Iatu to kumande agi-agi limangsa’bu tu muane, diboko’pa tu mai baine sia pia.

MATIUS 15:33

Nakuami tu anak gurunNa lako: Umbara la tanii unnala roti pada budanna to, indete padang pangallaran la dipediaranni te tau pada to?

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

LUKAS 9:17

Kumandemi sola nasangi, sadia’na. Naalami tau tu roti sesanna tu mangkanna ditepu-tepu sangpulo dua baka ponno.

YOHANES 6:7

Nakuami Filipus mebali lako: Passaratusan ruppia roti tae’pa nasilasa te tau, moi anna sisidi’ri namisai.