MATIUS 13:57 - Sura' Madatu

⁵⁷ Napomatana’mi tinde tau tu diona Yesu. Apa Nakua Yesu lako tinde tau: Misa’ nabi tae’ natang dibilang, sangadinna lan tondokna sia lan tananan dapo’na.

MATIUS 13:57 ပူးပေါင်းရင်းမြစ်များ

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

YESAYA 8:14

Puangmo la mipoinan maindan, apa la napobatu katitodoan sia batu tongkon katilenderanna da’dua rapu tallangna Israel sia ba’tikan sola poya ulla’ka’i tu pa’tondokan Yerusalem.

MATIUS 11:6

Maupa’ tu to tang umpomatana’Na’.

MATIUS 13:58

Tae’ra nabuda tanda mangnga Napogau’ inde to dio, belanna tae’ napatonganNi tau.

MARKUS 6:1

Malemi tu Yesu dio mai, Narampo lako tondok Nanii lobo’; na iatu anak gurunNa undi urrundu’I.

MARKUS 6:14

Napelelemi datu Herodes tu diona Yesu, belanna kaleleammo sanganNa, nakua tu tau: Malimbangunmo tu Yohanes Pa’dio’ diong mai to’ to mate, iamoto nakedo tu mintu’ kamatotoran lan Kalena.

MARKUS 6:3

Tang pande kayuraka te Tau iate, anakna Maria sia siulu’na Yakobus sia Yoses sia Yudas sia Simon? Sia tang inde siaraka te mai tasisolan tu anak daranNa? Napomatana’mi tinde tau tu diona Yesu.

MARKUS 6:4

Apa Nakua Yesu lako tu tau: Misa’ nabi tae’ natang dibilang, sangadinna lan tondokna sia lan alla’na sangdadianna sia lan tananan dapo’na.

LUKAS 4:24

Nakuami Yesu: Apa tonganna tongan Kukua mati’: Tae’ misa’ nabi diporai lan tondokna.

LUKAS 7:23

Dadi maupa’ tu to tang umpomatana’Na’.

YOHANES 4:44

belanna Ia Kalena umpokadai, kumua misa’ nabi tae’ nadibilang lan tondokna.

YOHANES 6:42

Nakuami tinde tau: Tang Yesuraka te Tau te, anakna Yusuf, tu kitandai sia tu indo’ ambe’Na? Umba ia nakua Nama’kada te Tau iate kumua: Lu daoNa’ mai suruga?

YOHANES 6:61

Apa Naissan Kalenamo Yesu, kumua sipa’nuku-nukuan tu to unturu’I diona te ianna te, Nakuami ungkuanni: Mipomatana’raka te iannate?