MATIUS 13:30 - Sura' Madatu

³⁰ Da’ito anna tuo bangpa sola sae lako peparean, na iapa ke peparean angku kuanni tu to mepare kumua: Rampunni dolo tu pare-pare sia pori sisanguyunni anna diballa, apa iatu pare pakissinni langngan alangku.

MATIUS 13:30 ပူးပေါင်းရင်းမြစ်များ

2 SAMUEL 23:7

ianna la untoei tau, umpakepi bassi ba’tu pasoan doke, sia napadukkui api dio to’ inanna!

AYUB 39:12

Morai siaraka tunduk lako kalemu tu sapi lampung, morairaka ma’bongi dio to’ inan pa’pakandean sapimmu?

YESAYA 17:5

La susi a’ganna to umpopa’uyun gandung, anna sae’i limanna tu buli gandung, sia susito ma’kalolang dio rante Refaim.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

MATIUS 13:25

na iatonna mamma’mo tau, saemi to mabiri’ lako kalena unnambo’i pole’i pare-pare tama tu banne, anna male.

MATIUS 13:29

Nakuami: Da’ito, belanna iake la laoi mirampun tu pare-pare, umbai la mentuang tu pare tilampi’ sola.

MATIUS 25:32

mintu’ bangsana tolino la dirampun dio oloNa, anNa sarakki simisa’i, susi to manglaa ussarakki domba dio mai to’ bembe’.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

LUKAS 3:17

Diomo Natoe tu barangNa, la Napemata’pii tu panglullu’Na anNa rampunni tama pa’pannian tu malapu’na, apa iatu langkona sola ongkanna la pura Naballa api tang pa’de-pa’de.

YOHANES 15:6

Iake denni tau tae’ nareso’ lan Kaleku, dialai lao lako salian susitu tangke anggoro’, anna marangke; anna rampunni tau, anna pembuanganni tama to’ api, namampu’.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

1 TIMOTIUS 5:24

Iatu kasalanna tau pira payan bang, naurunganni undoloi lako ukunganna; apa iatu kasalanna tau pira undipi namane payan.

1 SAMUEL 25:29

Iake bendanni misa’ tau la unnula’komi sia la undaka’ lalan la umpateikomi, la dipori lan pa’pulunganna to tuo tu deatammi dio oloNa PUANG, Kapenombammi, apa iatu deatanna mintu’ ualimmi la dipellebaran lan mai inan batu pekolak.