MATIUS 12:7 - Sura' Madatu

⁷ Apa iake miissanmi battuananna te kada iate kumua: Kamamaseanri tu Kukamorai, tangia pemala’, manassa tae’ mipasalai tu to tang kasalan,

MATIUS 12:7 ပူးပေါင်းရင်းမြစ်များ

AYUB 32:3

sia re’dek duka ara’na lako sangmanena sola tallu, belanna tang naissan umpebalii Ayub, namoi susito nakua manassa sala tu Ayub.

PA’PUDIAN 109:31

Belanna la bendan dio to’ kananna to mase-mase, la ullendokanni dio mai tu to umpasalai.

PA’PUDIAN 94:21

Tau iato mai sama turu’ la unnala sunga’na to malambu’, sia untiro kadake rarana to tang sala.

SARAMBU PEADA’ 17:15

Minda-minda ussanda tonganni to tang mekaaluk sia minda-minda umpasala sia unnukung to malambu’, tau iate sola dua Nakagalli PUANG.

HOSEA 6:6

Belanna nakalo’ penaangKu tu kamamaliran, tangia pemala’ pangrere’; sia kapaissanan diona Puang Matua, tangia pemala’ ditunu pu’pu’.

MATIUS 22:29

Mebalimi Yesu sia Nakua lako tau iato: Pusakomi, belanna tae’ mitandai la lanna Sura’ madatu la kuasanNa Puang Matua.

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

MARKUS 12:33

sia iatu ponno penaa sia mintu’ tangnga’ sia padami kamatotoran sae lako deata la ungkamali’ Puang Matua, sia ungkamasei padanta tolino, ondong ia to na iatu mintu’ pemala’ ditunu pu’pu’ sia pemala’ pangrere’.

PENGGAURANNA RASULU’ 13:27

Belanna iatu to dio Yerusalem sola tu mai pangulunna, tae’ natandai tu Yesu, sia naukung na susito nasundunnimo tu kadanna nabi tu dibasanni ke allo katorroanomi.

YAKOBUS 5:6

Mangkamo mira’ta’ kumua la diukung sia mipatei tu to malambu’; natae’ naeakomi.

YOSUA 5:5

Iatu mintu’ tau tassu’, mangkamo disunna’i, apa iatu mintu’ to dadi lan padang pangallaran dio lu lalan, tonna tassu’mo tu tau iato mai lan mai Mesir, tae’ nadisunna’i.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.