MATIUS 12:3 - Sura' Madatu

³ Apa Nakua ungkuanni tinde tau: Tae’ paraka mibasai tu apa napogau’ Daud tonna tangdia’ sia iatu to nasiban?

MATIUS 12:3 ပူးပေါင်းရင်းမြစ်များ

SURA’ KATOMINAAN 10:20

Iatonna rangimi Musa te kada iate, melomi dio pentirona.

MATIUS 12:2

Iatonna kitai to Farisi tu iannato, nakuami ungkuanNi: Tiromi, napogau’ bangmo anak gurumMi tu tang dipogau’na ke allo katorroan.

MATIUS 12:4

Matumbari natama banuanNa Puang Matua, anna kandei tu roti dipennoloan, tu pemalinna nakande sola tu to nasiban, sangadinna to minaa manna ia?

MATIUS 12:5

Ba’tu tae’paraka ammi basai tu kada lan sura’ Sukaran aluk, kumua iake allo katorroan mintu’nato minaa lan banuanNa Puang Matua untengkai pemalinna allo katorroan anna tae’ naposalai?

MATIUS 19:4

Mebalimi Yesu, Nakua: Tang mibasaparaka kumua Ia tu Totumampa ungkombong tolino tonna mulanna umpadadii tu muane sia baine.

MATIUS 21:16

sia nakua lako Yesu: Mirangiraka tu kadanna te pia? Nakuami Yesu lako tinde tau: Kurangi tongan ia; apa tae’paraka mibasa lenni tu nakua: Dio mai pudukna pia’-pia’ sia pia’-pia’ ma’susupa inang Miparandanmo tu pa’pudi-pudian?

MATIUS 22:31

Apa iatu diona katuoanna to mate sule, tae’paraka mibasai tu NapokadanNa Puang Matua lako kalemi, kumua:

MARKUS 12:10

Tae’raka mibasai te kada iate lan mai Sura’ Madatu kumua: Iatu batu natibe pande mendadi batu petau;

MARKUS 12:26

Apa iatu diona to mate kumua dipatuo sule, tae’raka mibasai lan sura’na Musa tu dininna umpokadai tu diona to’ duri, tumba tu kadanNa Puang Matua lako, Nakua: Akumote tu Puangna Abraham sia Puangna Ishak sia Puangna Yakub?

LUKAS 10:26

Nakuami Yesu lako: Apara tu disura’ lan sura’ Sukaran aluk? Umbara nakua mibasa?

LUKAS 6:3

Mebalimi Yesu lako tau iato mai, Nakua: Tae’paraka ammi basai te, tu napogau’ Daud tonna tangdia’ sia iatu to nasiban.