MATIUS 12:14 - Sura' Madatu

¹⁴ Sunmi tu to Farisi la unnea Yesu sia sipakulu-kulu, kumua umba la nakua umpatei.

MATIUS 12:14 ပူးပေါင်းရင်းမြစ်များ

MATIUS 26:4

nasituru’imi la untangnga’ Yesu natingkanNi, kumua napatei.

MATIUS 27:1

Iatonna masiangmo, nakombongammi mintu’ pangulu to minaa sia pekaamberan pa’tondokan tu diona Yesu, kumua anNa dipatei.

MARKUS 14:1

Duang allopa namane allo Pasa sia allona roti tang diragii; undaka’mi lalan tu pangulu to minaa sia pandita Sura’ la morai untangnga’ Yesu natingkanNi sia napatei.

MARKUS 3:6

Ta’pa sunmi tu to Farisi nalao sipakulu-kulu to Herodiani diona Yesu, umba la nakua umpatei.

LUKAS 22:2

Undaka’mi lalan tu mintu’ pangulu to minaa sia pandita Sura’ la umpatei Yesu, apa mataku’ lako to buda.

LUKAS 6:11

Nakabu’-kabu’mi ara’na sola nasang sia sipa’kada-kada umpokadai tu la nagauran Yesu.

YOHANES 10:31

Unnala pole’omi batu tu to Yahudi la natumbuanNi.

YOHANES 10:39

La morai pole’omi untingkanNi, apa tilendok dio mai limanna tau iato mai.

YOHANES 11:53

Randukmi to allo iato nasituru’i la umpatei Yesu.

YOHANES 11:57

Apa iatu mai pangulu to minaa sia to Farisi mangkamo umpasun parenta kumua, iake denni tau unnissanni tu nanii torro Yesu, napa’peissananni, kumua anna ma’din untingkanNi.

YOHANES 5:18

Iamoto nasaundaka’-daka’na tanga’ tu to Yahudi la morai umpatei, tae’ kumua untengkai mannai atoranna allo katorroan, sangadinna tu belanna Nakua Ambe’ misanNa tu Puang Matua, umpapada Puang Matua Kalena.

YOHANES 7:30

Undaka’mi lalan tu tau la untingkanNi, apa tae’ bang misa’ umpata’pai lima, belanna tae’pa nalambi’i attunNa.

YOHANES 7:32

Iatonna rangii to Farisi tu to buda sipa’kada-kada unnuleleanni tu iannato, umpokadai tu diona Yesu, nasuami pangulu to minaa sia to Farisi tu solana kumua anna tingkanNi.

YOHANES 7:44

Denmi pira la morai untingkanNi, apa tae’ bangi misa’ umpata’pai lima lako.

YOHANES 8:59

Pada unnalami batu la morai untumbui batu, apa mentirerung tu Yesu Nasun lan mai Banua Kabusungan.