MATIUS 11:5 - Sura' Madatu

⁵ Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

MATIUS 11:5 ပူးပေါင်းရင်းမြစ်များ

2 DATU 5:14

Iamoto malemi rokko sia unnukkun pempitu diong salu Yordan, susitu kadanna taunNa Puang Matua; mondomi sule tu kalena susito kalena misa’ pia mangura sia maseromo.

2 DATU 5:7

Iatonna mangkamo datu to Israel umbasai tu sura’, nase’bu-se’bumi tu tamangkalena, anna ma’kada nakua: Puang Matuara’kate, angku ma’dinra ma’pamate sia ma’patuo, na urunganni te tau iate umparampo kada lako kaleku, kumua la umpamondona’ golenna misa’ tau? Tiromi, manassamo kumua undaka’mo posanga la ungkadakeina’.

PA’PUDIAN 146:8

Sia PUANG umpamillik mata to buta, PUANG umpakalolo to tikongko, sia PUANG ungkamasei to malambu’.

PA’PUDIAN 22:26

Lu mati’ Kalemi tu kapa’pudi-pudiangku lan lu kombongan kalua’, sia iatu pangallonangku la kupalesso’ dio tingayona to ungkataku’ Puang.

KATASSURAN 4:11

Ma’kadami tu PUANG Nakua: Mindara umbenni puduk tu to lino, ba’tu mindara umpamamang tau, ba’tu umpataru tau, ba’tu umpopakita tau, ba’tu umpabuta tau? Tae’raka na Aku te, tu PUANG?

YESAYA 29:18

Attu iato iatu to taru la urrangi kadanna Sura’, sia mata to buta tang malillin sia tang pittukmo, la patiro.

YESAYA 29:19

Attu iato to umpamadiong penaanna la saumpoparannu-rannunna PUANG sia iatu to tarru’ bongko la kumalassi-lasi tu diona To maserona to Israel.

YESAYA 43:8

Eloranni sun tu bangsa buta iato, moi anna kemata, sia iatu mai to taru, moi anna ketalinga.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

ZAKHARIA 11:7

Iamoto kukambi’i tu mintu’ domba la ditunu – iamo napobannang to namakario-rio dio lu mintu’ domba angku alai tu tekken da’dua, misa’ kusangai Pa’kaboro’na iatu misa’ Pa’pori, susimoto kunii ungkambi’i tu tuntunan iato.

MATIUS 10:8

Pamalekei tu to masaki, patuoi tu to mate, pamondoi tu to golenan sia rambai tu deata masussuk. Belanna dikamasean bangkomi, dadi pa’kamasean duka bangi.

MATIUS 11:4

Mebalimi Yesu lako tinde tau, Nakua: Laomoko parampoanni Yohanes tu mintu’na miranginna sia mikitanna.

MATIUS 12:13

Nakuami Yesu lako tinde tau: Angka’i tu limammu! Naangka’mi, namatoto’ sule susitu lima sangbalinna.

MATIUS 21:14

Saemi lako Kalena lan Banua Kabu- sungan tu to buta sia to kupi’, Napa- mondoi.

MATIUS 5:3

Maupa’ tu mintu’ to umpamadiongan penaanna belanna tau iato umpoparenta Parenta Suruga.

MATIUS 9:30

Millikmi tu matanna, anNa pakare’na-re’na tonganni Yesu, Nakua: Kanandai tonganni, da naden tau misa’ duka unnissanni te ianna te.

MARKUS 7:37

Lendu’ tonganmi tirambanna tu tau nakua: Melo nasang tu Napogau’na Napaparangi tu to taru sia to mamang Napopa’kada-kada.

MARKUS 9:25

Tonna tiroi Yesu tu to buda sirampun dio to’ inan iato, Nasarabaimi tu deata masussuk sia Nakua lako: E deata mamang sia taru, Kusuako mallai dio mai kalena, sia da’mo mutama pole’ sule.

LUKAS 4:18

Den Penaa Masallo’Na Puang Matua lan Kaleku, Belanna mangkaMo’ Nabolloi minna’ la umpa’pangadaran Kareba melo lako to kalala’;

YOHANES 10:25

Nakuami Yesu mebali lako tinde tau: Mangkamokomi Kupokadan, anna tae’ mipatonganni; mintu’na tu penggauran Kupogau’ tete dio sanganNa Ambe’Ku, iamoto tu ungkatottongi tu a’gangKu.

YOHANES 10:38

Apa iake kupogau’i, patonganni tu pengkarangan iato, moi natae’ mipatonganNa’, anna sakerangngan-rangnganna miissan sia mikatonganni kumua lan KaleKu tu Ambe’ sia Aku lan Ambe’.

YOHANES 2:23

Tonna diomo Yerusalem, tonna allo kapua dinii Ma’pasa, budami tau umpatonganni tu sanganNa, belanna nakitamo tu tanda kalle-kallean Napogau’.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

YOHANES 5:36

Apa iatu dikatottonginna diona Aku ondong Ia kapuanna na iatu nakatottonginna Yohanes; belanna mintu’na tu pengkarangan tu Nasorong Ambe’Ku lako Kaleku, kumua angKu pasundunni, mintu’namo tu pengkarangan iato, tu Kupogau’, iamoto tu ungkatottongi tu diona Aku, kumua Ambe’Ku tu ussuaNa’.

YOHANES 9:7

sia Nakua ungkuanni: Laomoko umbasei lako limbong Siloam!, ke dipallemba’i battuananna: Disua. Laomi nabasei, nasule millikmo matanna.

PENGGAURANNA RASULU’ 2:22

E to Israel, perangii tu kadangku: Iatu Yesu to Nazaret, misa’ To Napamanassa Puang Matua lako kalemi umpake kamatotoran sia tanda mangnga sia tanda kalle-kallean tu Napaden Puang Matua Napapayananni Yesu dio tingayomi, susitu miissan kalenamo;

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?