MATIUS 11:29 - Sura' Madatu

²⁹ Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

MATIUS 11:29 ပူးပေါင်းရင်းမြစ်များ

2 OSSORANNA DATU 10:11

Iake susinna napamatana’i ambe’ku tu pamaammi, apa iatu aku la kupamatana’ pissan tu pamaammi; iake mangkakomi napa’dikki pebamba ambe’ku, apa aku la kupa’dikkikomi pebamba ma’duri bassi.

PA’PUDIAN 116:7

E deatangku, sulemoko lako kasode-sodeammu, belanna Napogau’mo Puang tu kameloan mati’.

PA’PUDIAN 131:1

Nanian Hamaa’lot. Pa’pudianna Daud. O PUANG, tae’ anna matampo tu penaangku, sia tae’ anna mentiro dao tu matangku, tae’ duka angku daka’ apa kapua, ba’tu apa tarru’ kalle-kalleanna lako kaleku.

SARAMBU PEADA’ 3:17

Iatu batattana iamo batatta manaman, na iatu mintu’ lalanna iamo lalan marampa’.

YESAYA 28:12

Tu Napokadamo lako tau iato mai kumua: Iamo kapelayoan te, benni kapelayoan tu to mata’ka’, iamote tu kamanamanan – apa tae’ anna perangii.

YESAYA 29:19

Attu iato to umpamadiong penaanna la saumpoparannu-rannunna PUANG sia iatu to tarru’ bongko la kumalassi-lasi tu diona To maserona to Israel.

YEREMIA 6:16

Iamote tu kadanNa PUANG: Bendankomi dio lu to’ batatta; tiro meloi sia pekutananni tu lalan dolo, umbanna tu lalan tongan, anna ia mipolalan, anna rapa’ penaammi; apa nakua tu tau iato mai: Manokakan umpolalanni.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

KADIBILANGAN 12:3

Iatu Musa iamoto mandu malamma’ penaanna, losong na iatu mintu’ tau dao kuli’na padang.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 21:5

Pokadanni anak dara Sion, kumua: Tiromi tu Datummu sae lako kalemu, umpamadiongan penaanNa, ussakei keledai, keledai lundara, anak patuoan dipassampei.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

MATIUS 7:24

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

LUKAS 8:35

Sangsunammi tu tau, la lao untiroi tu apa mangka dadi, nasae lako Yesu, nakabu’tui tu tau mangka nanii sun deata lan mai kalena unno’ko’ diong to’ letteNa Yesu ma’tamangkalemo sia mengkilalamo; saemi kamatakuranna tu tau sola nasang.

YOHANES 13:15

Belanna mangkamokomi Kuben passangkaran, kumua mipogau’ dukai susitu Kupogau’na lako kalemi.

YOHANES 13:17

Iake mitandai tu mintu’nate, maupa’komi, ke mipogau’i.

PENGGAURANNA RASULU’ 7:37

Musa iamoto tu ma’kada lako to Israel kumua: Misa’ nabi la napabu’tuangkomi Puang Matua lan mai rapummi tu susinna te aku.

1 KORINTUS 9:21

Lako tu to tang unnampui tuntunan Sukaran aluk, unna’ga to tang unnampuina’ Sukaran aluk kaleku, moi anna tae’ kulessu’ dio mai Sukaran alukNa Puang Matua, sangadinna mengkaolana’ lako Sukaran alukNa Kristus, kumua angku popenturu’i tu to tang unnampui Sukaran aluk.

2 KORINTUS 10:1

Iate aku te, aku kalenamo Paulus umpakilalakomi kada kaboro’Na sia kamasokananNa Kristus, tu aku te disanga, kumua, iake sitingayoki’ umpamadionganna’ kaleku apa iake sikambelaki’ lendu’ baraningku lako kalemi.

2 KORINTUS 10:5

Naurunganni umbambangan mintu’ kadanna tau, sia mintu’ apa matande unnea kapaissanan diona Puang Matua, sia urrampakan mintu’ tangnga’ kipopengkaolai lako Kristus;

FILIPI 2:5

Palan ara’mi te inaa iate, tu dennamo lan penaanNa Kristus Yesu,

1 TESALONIKA 4:2

Belanna miissan tu parenta mangka kibenkomi tete dio kuasanNa Puang Yesu.

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

IBRANI 5:9

Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

1 YOHANES 2:6

Iatu to ussanga kalena torro lan Puang sipato’ ia la umpalolang kalena susi Kristus mangkamo umpalolang Kalena.