MATIUS 11:25 - Sura' Madatu

²⁵ Iatonna iato umpakendekmi pa’pudian tu Yesu, Nakua: O Ambe’, Puangna langi’ na lino, KupudiKomi, belanna Misamboan to paissan sia to manarang te ianna te, anna lako pia Minii umpasomboi.

MATIUS 11:25 ပူးပေါင်းရင်းမြစ်များ

KADADIAN 14:19

Napassakkei Melkisedek tu Abram, nama’kada nakua: Napassakkemira Puang Patodoranna, Puang ungkombong langi’ sola lino tu Abram.

KADADIAN 14:22

Nakuami tu Abram lako datu Sodom: Kupasa’bian PUANG, Puang Patodoranna, ungkombong langi’ sola lino,

2 DATU 19:15

Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.

1 OSSORANNA DATU 29:13

Totemo, o Kapenombangki, kipudi-pudiKomi, sia kipakala’bi’ tu sanga madatumMi.

AYUB 37:24

Iamoto Nakataku’i ma’rupa tau tu Puang, apa iatu to tang ma’perangi moi misa’ tae’ Natiroi Puang.

PA’PUDIAN 8:2

O PUANG, o Puangki, tang pada mala’bi’na tu sangamMi lan mintu’ narande tana, Mipadaomo langi’ tu kamala’biramMi!

YESAYA 5:21

Upu’ allona tu to ia kalena ussanga kalena kinaa sia ia kalena unggente’ kalena manarang.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

DANIEL 2:23

Kamu, o Kapenombanna nene’ to doloku, tu kupudi sia kupakala’bi’, belanna mangkamoKomi ungkamaseina’ kakinaan sia kamatotoran, sia Mipokadammo’ totemo tu apa kipalaku lako Kalemi, belanna Mipaombo’mo lako kaleki tu diona a’ganna datu.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

MATIUS 16:17

Mebalimi Yesu sia Nakua ungkuanni: Maupa’moko, e Simon, anakna Yunus! Belanna tangia mentolinona umpaombo’i lako kalemu tu iannato, sangadinna Ambe’Ku dao suruga.

MATIUS 21:16

sia nakua lako Yesu: Mirangiraka tu kadanna te pia? Nakuami Yesu lako tinde tau: Kurangi tongan ia; apa tae’paraka mibasa lenni tu nakua: Dio mai pudukna pia’-pia’ sia pia’-pia’ ma’susupa inang Miparandanmo tu pa’pudi-pudian?

LUKAS 22:42

Nakua: O Ambe’, iake morai siaKomi, palendu’iNa’ te irusan, apa iatu iannato tangia pa’poraiangKu, sangadinna pa’poraiamMi.

LUKAS 23:34

Massambayangmi Yesu, Nakua: O Ambe’, pagarri’i te mai tau, belanna tae’ naissanni tu apa napogau’. Nasire’tekkimi tu pakeanNa kumua ba’tu umbannai umpotaai.

YOHANES 11:41

Naberumi tau tu batu. Mentingarami tu Yesu anNa ma’kada Nakua. O Ambe’, ma’kurre sumanga’Na’ mati’, belanna MiperangiiNa’.

YOHANES 12:27

Totemo te lendu’ rossona tu penaangKu; apara la Kupokada? la Kukuaraka: O Ambe’, karimmanniNa’ dio mai te attu iate! Tae’, apa iari to angKu lambi’i te attu iate.

YOHANES 12:28

O Ambe’, pakala’bi’i tu sangamMi! Denmi tu gamara dao mai langi’ ma’kada nakua: Kupakala’bi’mo sia la Kupakala’bi’ pole’pa.

PENGGAURANNA RASULU’ 17:24

Iatu Puang Matua umpadadi lino sia mintu’ issinna, Iamo Puangna langi’ sia lino, tae’ Natorro lan banua penomban, tu panggaraga lima;

1 KORINTUS 2:10

Apa iatu kita Napasombomo Puang Matua lako kaleta tete dio PenaanNa, belanna Iamotu Penaa tu umpelalan mintu’na angge maritik, moi anna apa mandalanNa Puang Matua.

2 KORINTUS 3:14

Apa dipamakarra’mo penaanna tu tau iato belanna sae lako te totemo tontongpa den tu pebungku’, tae’pa natilendok, ke umbasaoi sura’ basse dolo, belanna Kristus manna umpa’dei tu pebungku’ iato.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.