MATIUS 11:18 - Sura' Madatu

¹⁸ Belanna saemo tu Yohanes tang kumande sia mangiru’, nakuami tau: Nataba deata masussuk.

MATIUS 11:18 ပူးပေါင်းရင်းမြစ်များ

2 DATU 9:11

Iatonna tassu’mo Yehu lako tu naninna taunna puangna, ma’kadami misa’ tu tau iato mai lako nakua: Manaman siarokoka? Ma’aparika na iate to bomboan sae umpellambi’iko? Mebalimi lako tau iato mai nakua: Inang mitandaimo tu tau susito sia buangan kadanna.

YEREMIA 15:17

Tae’ lenpa kuunno’ko’ lan kasirampunanna to sipetaa-taan la umpasende kaleku; natoemo’ limamMi, iamoto angku misa-misa unno’ko’, belanna Mipatutu’imo’ kasengkean.

YEREMIA 29:26

Mangkamoko Naangka’ PUANG dadi to minaa ussonda to minaa Yoyada, ammu dadi to ma’kampa lan banuanNa PUANG la ungkampai mintu’ to katama-taman sia tu lolang susi nabi, ammu sangkalai sia pangkai bassi.

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

MATIUS 10:25

Madaoammo tu to digurui ke pada-padai gurunna, ten dukato tu kaunan anna puangna. Iake nasangai tau Beelzebul tu ampu banua, ontong pissanpa tu to lan banuanna.

MATIUS 11:17

nakua: Mangkamokanni umpa’gandangangkomi, anna tae’ bangra miunnondo, mangkamokan umbating, natae’ bangra mimario.

MATIUS 3:4

Iatu pakeanna Yohanes bulu unta, sia iatu salipi’ lan ayakna balulang, anna iatu kandena batik sia tallo’ merang pangala’.

MATIUS 9:34

Apa nakua tu to Farisi: Kamatotorannari pangulunna deata masussuk anNa rambai tu deata.

MARKUS 3:22

Nakuami tu pandita Sura’ tu saemo dio mai Yerusalem: Narondong Beelzebul sia pa’tunduanna pangulunna deata masussuk anNa rambai tu mintu’ deata.

LUKAS 1:15

Belanna ia la kapua dio oloNa Puang sia tae’ nala unniru’ uai anggoro’ ba’tu apa palangona ke diiru’i sia iamo la Naponnoi Penaa Masallo’ tempon dio mai natambukna indo’na.

YOHANES 10:20

Budai tu kumua: Nataba deata masussuk nabomboan, ma’apai kamu ammi perangii?

YOHANES 7:20

Nakuami mebali tu to buda: NatabaKomi ria deata masussuk. Mindara undaka’ lalan la umpateiKomi?

YOHANES 8:48

Mebalimi tu to Yahudi sia nakua lako: Tang tongannaraka tu kipokada kumua to SamariaKomi sia natabaKomi deata masussuk?

YOHANES 8:52

Nakuami tu to Yahudi lako: Totemo kiissan pissanmo kumua natamaiKomi deata masussuk. Iatu Abraham sia mintu’ nabi mate nasangmo, ammi kuami kamu: iake denni tau ungkaritutui kadangku, tae’ nala sikita len kamatean sae lakona.

PENGGAURANNA RASULU’ 26:24

Marassanmo umpokadai tu pebalinna susito, ma’kadami tu Festus sumaraba, nakua: Umbai katama-tamanko Paulus, kamanarangan matarru’mu umpakatama-tamanko.

1 KORINTUS 9:27

sangadinna umpakario-riona’ kaleku sia kupopengkanorong kumua aku manii mangka unnada’i to senga’ na aku kalenamo ditibe.