MATIUS 11:10 - Sura' Madatu

¹⁰ Belanna iamora te, tu disura’ a’ganna kumua: Tiromi ussuaNa’ pesuangKu undoloangKo, tu la umpasakka’ lalan dio oloMu.

MATIUS 11:10 ပူးပေါင်းရင်းမြစ်များ

YESAYA 40:3

Perangii, den gamaranna tau metamba-tamba, nakua: Pasakka’mi tu lalanNa PUANG lanlu padang pangallaran, ranteanni batatta dio padang talo tu Kapenombanta.

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

MALEAKHI 4:5

Tonganna la Kusua lako kalemi tu nabi Elia, ke tae’pi nasae tu allo tarompo’ metakuranNa PUANG.

MATIUS 11:11

Tonganna tongan Kukua mati’, kumua iatu mintu’nato dadi dio mai baine, tae’ bangpa misa’ duka bendan, tu mandu madaoan anna Yohanes Pa’dio’; apa iatu madiongna lan Parenta Suruga, iamoto tu mandu madaoan na ia.

MATIUS 11:3

la umparampoi tu pekutananna lako Yesu kumua: Kamumoraka tu la sae, ba’tu den poleraka to senga’ misa’ sipatu la kipeagi?

MATIUS 3:3

Belanna ia bangsiamote tu napokadanna nabi Yesaya, kumua: Den gamaranna tau metamba-tamba dio padang pangallaran: Pasakka’mi tu batattaNa Puang, ranteimi tu lalanNa.

MARKUS 1:2

Susitu disura’ lan sura’na nabi Yesaya, nakua: Tiromi, ussuaNa’ pesuangKu undoloangKo, tu la umpasakka’ lalanMu.

LUKAS 1:76

Na iatu iko, e anakku, ikomo la disanga nabinNa Puang Patodoranna, belanna la doloko dio oloNa Puang umpasakkaranni lalanNa,

YOHANES 1:23

Nakuami: Akumote tu gamaranna to metamba-tamba dio padang pangallaran kumua: Ranteimi tu batattaNa Puang, susitu mangka napokada nabi Yesaya.