MATIUS 10:7 - Sura' Madatu

⁷ Iammi male lako lalan pa’peissananni kumua: Mengkareke’mo tu Parenta Suruga.

MATIUS 10:7 ပူးပေါင်းရင်းမြစ်များ

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

MATIUS 10:8

Pamalekei tu to masaki, patuoi tu to mate, pamondoi tu to golenan sia rambai tu deata masussuk. Belanna dikamasean bangkomi, dadi pa’kamasean duka bangi.

MATIUS 11:1

Iatonna upu’ Yesu umpepasananni susito lako tinde Anak gurunNa sangpulo dua, ke’de’Mi dio mai la lao mangada’i sia umpa’peissanan Kareba kaparannuan lan lu kotana tau.

MATIUS 21:31

Mindannara tinde pia sola duai tu umpogau’ pa’poraianna ambe’na? Nakuami tinde tau: Iamo ia tu undinna. Nakuami Yesu lako tinde tau: Tonganna tongan Kukua mati’, kumua moi passima sia baine sala’kedo nadoloi dukakomi tama ParentaNa Puang Matua.

MATIUS 21:43

Iamoto Kukua mati’, kumua iatu ParentaNa Puang Matua la diala dio mai kalemi, anna disorong lako bangsa la umpabu’tui tu buanna.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MATIUS 3:2

nakua: Mengkatoba’komi, belanna mengkareke’mo tu Parenta Suruga.

MATIUS 4:17

Tempon iamoto naranduk tu Yesu mangada’i sia nakua: Mengkatoba’komi belanna mengkareke’mo tu Parenta Suruga.

MARKUS 6:12

Sunmi namale mangada’i, kumua sipatu tau mengkagarri’.

LUKAS 16:16

Iatu Sukaran alukNa Puang Matua sia sura’na mintu’ nabi sae lako tonna attunna Yohanes, randuk tonna attu iato nadipatale’ tu Kareba-kaparannuan diona ParentaNa Puang Matua napantan merruku bang tama.

LUKAS 9:2

Nasuami umpatale’ ParentaNa Puang Matua sia umpamaleke to masaki;

LUKAS 9:6

Sangmaleammi ma’lele-lele lan lu mintu’ tondok umpatale’ kareba melo sia umba-umba nii to masaki, napamaleke.

LUKAS 9:60

Nakuami Yesu lako: Da’ito na to matemora umpeliang to matena, malemoko ria umpatale’ ParentaNa Puang Matua.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

PENGGAURANNA RASULU’ 10:25

Iatonna tamamo tu Petrus, saemi Kornelius untammui sia malinguntu’ diong to’ lentekna umpennoloi.

PENGGAURANNA RASULU’ 28:31

sia batta’ umpa’peissanan ParentaNa Puang Matua sia umpa’pangadaran mintu’ tu diona Puang Yesu Kristus, tae’ nadigagai len.

PENGGAURANNA RASULU’ 4:2

sia lendu’ magi’gi’na, belanna naada’i tu tau sia napa’peissanan, kumua tete lan Yesu den tu kamalimbangunan dio mai to’ to mate.