MATIUS 10:27 - Sura' Madatu

²⁷ Iatu Kupokadannakomi lan malillinna, la mipokada lan to’ maserona; sia iatu dipa’bisikanna dio to’ talingammi, la mipetamban dao mai bubungan banua.

MATIUS 10:27 ပူးပေါင်းရင်းမြစ်များ

YESAYA 22:1

Inde sia tu kada Napa’petanggungan Puang Matua diona lombok ditiro mendeata. Ma’apakomi ammi kendekra sola nasang langngan bubungan?

MATIUS 24:17

sia iatu to dao bubungan banua, da namengkalao rokko sia unnala apanna lan mai,

LUKAS 12:3

Iamoto mintu’na tu mangka dipokada lan malillinna, la dirangi dio maserona, sia mintu’na tu mangka dipa’bisikan dio to’ talinga lan inan, iamo la dipetamban dao mai bubungan banua.

LUKAS 8:10

Nakuami Yesu: Iatu kamu dibenkomi pa’kamasean, unnissanni tu rasia diona ParentaNa Puang Matua, apa iatu tau senga’ diben pa’pasusian, anna tang paan, ke natiroi sia tae’ naissanni, ke narangii.

YOHANES 16:1

Mintu’ te ianna te Kupokada lako kalemi, kumua da napotipipa’i penaammi.

YOHANES 16:13

Apa ianNa sae Ia, Iamotu Penaa Kamanapparan la Nalalankomi lako mintu’na kamanapparan belanna tae’ Nama’inaanna kalena ma’kada-kada, sangadinna iatu Naranginna ia dukamo Napokada; sia Napa’peissanan lako kalemi tu mintu’na apa la dadi.

YOHANES 16:25

Mintu’na tu iannato Kupokadamo lako kalemi Kualan pa’pasusian; apa la sae tu attunna tu tang la Kuninnamo unnala pa’pasusian ma’kada lako kalemi, sangadinna la Kupamanassa pissan bangmo Kupa’peissanan lako Kalemi tu diona Ambe’.

YOHANES 16:29

Nakuami anak gurunNa lako: Tiromi, totemo te Mipamanassa pissan bangmo tu kadamMi, tae’mo Miala pa’pasusian ma’kada.

PENGGAURANNA RASULU’ 17:17

Ma’uleleanmi lan banua pa’kombongan sola to Yahudi sia mintu’ tu to umpengkaolai Puang Matua, sia dio duka lu pasa’ keallo-keallo sola tu mai to na sitammuan.

PENGGAURANNA RASULU’ 5:20

Laomokomi mike’de’ lan Banua Kabusungan umpokadai lako to buda mintu’ to kada dipotuo.

PENGGAURANNA RASULU’ 5:28

nakua: Tang kipakare’na-re’na tonganrokomika, kumua da mimangada’i tete dio sanga iato? Apa samipatale’-tale’naora tu pangadarammi lan mintu’ Yerusalem, sia la moraikomi umpopa’indo’i dio kaleki tu raraNa Tau iato.

2 KORINTUS 3:12

Belanna den rannungki susito, angki barani ma’kada-kada,