MATIUS 10:20 - Sura' Madatu

²⁰ Belanna tae’ na kamu tu la ma’kada, sangadinna PenaanNa Ambe’mi tu la ma’kada lan kalemi.

MATIUS 10:20 ပူးပေါင်းရင်းမြစ်များ

2 SAMUEL 23:2

Iatu PenaanNa PUANG lan kaleku angku ma’kada-kada, iatu kadanNa nasa’bu’ tongka’ di lilaku.

KATASSURAN 4:12

Totemo malemoko, Aku la umpamaluteko ma’kada sia la unnada’iko tu apa sipatu la mupokada.

MATIUS 6:32

Belanna mintu’na te napengkali-kalii to kapere’, apa Naissan Ambe’mi dao suruga kumua mipotuona tu mintu’nato.

MARKUS 12:36

Daud kalenamo ma’kada belanna pa’patudu-tudunNa Penaa Masallo’ kumua: Nakuamo Puang lako Puangku: Unno’ko’Komi dio kananKu sae lako Kupadiongna nasang to’ lentekMi tu ualimMi.

LUKAS 11:13

Iamoto ia duka tu kamu to kadake, miissan duka umbengan pamengan melo lako anakmi, ontong pissan tu Ambe’mi dao suruga la umpa’bengan Penaa Masallo’ lako to umpalakui lako Kalena.

LUKAS 12:12

belanna na iapa to, Namane Penaa Masallo’ unnada’ikomi tu sipatunna la mipokada.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

PENGGAURANNA RASULU’ 13:9

Apa iatu Saulus, tu disanga duka Paulus, Naponnoi Penaa Masallo’ ullessekki mata,

PENGGAURANNA RASULU’ 2:4

Naponnoimi Penaa Masallo’ tinde tau sola nasangi, anna randuk umpasun ma’rupa-rupa basa, susitu Napatuduanni Penaa Masallo’ lako la napokada.

PENGGAURANNA RASULU’ 28:25

Apa ia kalena tinde tau tae’ kasiturusanna, sisarak-sarakmi, tonna mangka umpokadai Paulus te kada sangbuku kumua: Tonganna bang tu Napokada Penaa Masallo’ lako nene’ to dolota tu sun dio pudukna nabi Yesaya, nakua:

PENGGAURANNA RASULU’ 4:8

Pakalan ma’kadami Petrus tu Naponnoi Penaa Masallo’ lako tinde tau nakua: E pangulu sia pekaamberan to Israel,

PENGGAURANNA RASULU’ 6:10

Apa tae’ nabelai tinde tau unneai tu kakinaan sia Penaa urrondongi ma’kada-kada.

2 KORINTUS 13:3

anna mituntun bang tanda manassana tu Kristus kusumbungan kadanNa, tu tang mipolangga’, sangadinna mipomatoto’.

1 TESALONIKA 2:13

Iamo bannangnato anna tae’ duka ka’tungki ma’kurre sumanga’ langngan Puang Matua, belanna iatommi tarimami tu kadanNa Puang Matua, tu kipalolang, tae’ mitarima susii kada tolino, sangadinna susitu tonganna inang den, iamotu kadanNa Puang Matua, tu mengkarang duka lan kalemi, tu kamu ma’patonganna.

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.