MATIUS 10:17 - Sura' Madatu

¹⁷ Apa kanandai tu tau, belanna la nabaakomi tama to’ kombongan ada’, sia la nabambakomi ulang lan lu banua pa’kombonganna.

MATIUS 10:17 ပူးပေါင်းရင်းမြစ်များ

MIKHA 7:5

Da’mo mipatonganni tu solami, da’mo mikatappa’i tu sangmanemi; kanandai tu pudukmu lako tu baine mamma’ diong riammu.

MATIUS 10:18

Sia la napakendekkomi lako olona to maraa sia datu tu belanna Aku, la napotanda sa’bi tau iato sia mintu’ to kapere’.

MATIUS 20:19

Anna sorongi lako to kapere’, natelle-tellei, naongkan-ongkan ue, sia naa’ta’, na allo ma’pentallun Namalimbangun sule.

MATIUS 23:34

Iamoto palan ara’i, ussuaNa’ nabi-nabi sia to kinaa sia pandita Sura’ lako kalemi. Na den pira la mipatei sia mia’ta’, sia den pira la mibamba ulang lan lu banua pa’kombongan sia mipasilamban-lamban tu kota minii ullolai.

MATIUS 26:59

Napatamammi kada pangulu-pangulu to minaa sola mintu’ Ada’ tu Yesu, kumua anna patei;

MATIUS 5:22

Apa Aku Kukua mati’ kumua: minda-minda tae’ natore kasengkeanna lako siulu’na, la napakannai ukungan ada’; sia minda-minda tu ma’kada lako siulu’na kumua: E baga! La napakannai ukungan ada’ lompo; sia minda-minda tu kumua: E to bomboan? La nakanna ukungan tama api naraka.

MARKUS 13:12

To siulu’ la ussorong penaanna siulu’na anna mate dipongko, sia ambe’ la ussorong penaanna anakna; sia pia la umbali indo’ ambe’na sia napa’pepatean.

MARKUS 13:9

Apa iatu kamu kanandaikomi kalemi, belanna la nabaakomi tama kombongan ada’ sia la dibambakomi ulang lan lu banua pa’kombongan, sia la dipakendekkomi lako olona to maraa sia datu tu belanna Aku, la napotanda sa’bi tinde tau.

LUKAS 12:11

Iake nabaakomi tau lako olona to ma’kombongan tama banua pa’kombongan, ba’tu lako olona to ma’parenta, ba’tu lako to paa, da miposelangi kumua umba nakua ba’tu apa tu la mipebalian sia apa tu la mipokada;

YOHANES 11:47

Iamoto anna rampunni pangulu to minaa sia to Farisi tu mai to diala Ada’ lompo, anna kua: Umbamora tu tangnga’ la tapogau’, belanna buda bangmo tu tanda kalle-kallean Napogau’ tu Tau tu?

YOHANES 16:2

La natassu’ikomi lan mai banua pa’kombongan. Ontongpi la sae tu attunna, to kumua minda-minda tu umpateikomi la nasanga napopenomba langngan Puang Matua.

PENGGAURANNA RASULU’ 17:14

Ta’pa nasuami to sangsiuluran tu Paulus male ma’palurokko to’ tasik. Apa iatu Silas sola Timotius torro dio.

PENGGAURANNA RASULU’ 22:19

Kukuami: O Puang, ia kalena tu tau unnissanni kumua mangka kutarungku sia kubamba lan lu banua pa’kombongan tu to umpatonganKomi.

PENGGAURANNA RASULU’ 26:11

Sia pembuda kupakario-rio lan banua pa’kombongan sia kuparuku umpa’kada solangi tu sanganNa Yesu, sia belanna tae’ pada kamare’dekangku lako, kulolaimi moi diomo tu tondok senga’.

PENGGAURANNA RASULU’ 9:2

umpalakui lako tu sura’ kuasa anna baai lako banua pa’kombongan dio tondok Damsyik, kumua ianna den tau unnolai lalan kapekaalukan iato nakabu’tui, nala muane nala baine, nabaa situang pungo lako Yerusalem.

FILIPI 3:2

Kanandaikomi kalemi dio mai to dadi asu; kanandaikomi kalemi dio mai to umpogau’ kakadakean; kanandaikomi kalemi dio mai sunna’ sala.

2 TIMOTIUS 4:15

Kanandaiko kalemu dio mai, belanna naea tonganmo tu kadangki.

IBRANI 11:36

Na iatu to senga’ umpatanan peroso, petelle-telle, sia diongkan-ongkan, sia rante bassi sola pa’tarungkuan.