MATIUS 10:12 - Sura' Madatu

¹² Iammi tama banuanna tau, kambaroan marampa’i.

MATIUS 10:12 ပူးပေါင်းရင်းမြစ်များ

PA’PUDIAN 122:7

Sangapaoi anna marampa’ mintu’ to naluang bentengmu, sia rapa’ tu to lan tambakukummu.

PA’PUDIAN 122:8

Bannang dio le’to barra’ku sia polo kaindi’ku, angku la ma’kada kumua: Sangapaoi anna torroiko kamarampasan!

YEHEZKIEL 2:5

Iatu tau iato mai ba’tu morai untananni talinga, ba’tu tae’i – belanna tau iato mai to pabali-bali – la naissan duka, kumua den misa’ nabi dio lu tau iato mai.

MATIUS 10:11

Iake tamakomi misa’ kota ba’tu kampong, tiroi dio tu to la sipatu, ammi torro dio, sae lako ke’de’mi pole’o inde to dio.

MATIUS 10:13

Sia iake sipatui tu to lan banua iato, narampoi kamarampasammi tu banua iato; apa iake tae’i, nasule lakomora kalemi tu kamarampasammi.

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

2 KORINTUS 5:20

Iamoto kidadi pesuanNa Kristus sia kiissan, kumua Naposumbungan pudukkan Puang Matua ma’pakilala; angki ma’kada dio Kristus umpalakui kumua: Sangapaoi upa’ ammi dipasikaelo Puang Matua!

3 YOHANES 1:14

Apa kurannuan la sitiroki’ madomi’ anta sipuduk sipa’kada.

1 SAMUEL 25:6

Sia la mipokada susite: Salama’! Denno upa’ ammi malaga’-laga’ sia malaga’-laga’ tu sangdadiammi sia iatu mintu’ dio kalemi.