MATIUS 10:1 - Sura' Madatu

¹ Natambaimi tu anak gurunNa sang pulo dua, Nabenni kamatotoran la ungkuasai deata masussuk sia la urrambai sia la umpasoro’ mintu’ saki sia rammun.

MATIUS 10:1 ပူးပေါင်းရင်းမြစ်များ

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

MATIUS 26:20

Iatonna bongimo, unno’ko’mi tu Yesu kumande sola tu anak gurunNa sangpulo dua.

MATIUS 26:47

Marassan bangsia ma’kada-kada, saemi tu Yudas, iamo misa’ tu to sangpulo dua, sia lendu’ budanna to ma’pa’dang sia ma’tarasulu’ nasisolan, tu to nasua pangulu to minaa sia pekaamberan pa’tondokan.

MATIUS 4:23

Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

MATIUS 9:35

Malemi tu Yesu ullelei mintu’ kota sia kampong, Namangada’i lan lu banua pa’kombonganna tau sia umpa’peissanan Kareba kaparannuan diona parentanNa Puang Matua sia umpasoro’ mintu’ saki sia rammun.

MATIUS 9:38

Iamoto, dadi palakui langngan Puang ampunna bura padang anNa sua tau ungkasara’i tu bura padangNa.

LUKAS 10:19

Tonganna denmo kamatotorammi tu mangka Kubenkomi la ullese ula’ sia sando sia la misau’ tu mintu’ kamatotoranna uali, sia tae’mo apa la umpatumba-tumbakomi.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

LUKAS 24:49

Manassa tae’ nasalai tang Kuparampo lako kalemi tu pangallu’Na Ambe’Ku, na kamu ma’peagi-agi bangmokomi lan te kota sae lako dipaselle’imi tu kamatotoran dao mai madona.

LUKAS 6:13

Iatonna masiangmo, Nakambaroimi tu anak gurunNa, Napilei sangpulo dua lan mai, Nasangai rasulu’.

YOHANES 17:2

Susitu Kamu mangkamo umpa’kamasean kuasa lako Kalena umparentai tu mintu’ tolino, kumua na Ia pole’o umpapantanni katuoan tontong sae lakona tu Misorongna lako Kalena.

YOHANES 3:27

Mebalimi Yohanes nakua: Moi misa’ tau tae’ nama’din unnala misa’ apa, ke tae’i nadikamaseanni dao mai suruga.

YOHANES 3:35

Napakaboro’ Ambe’ tu AnakNa sia mintu’na angge maritik Nasorong lako Kalena.

YOHANES 6:70

Nakuami Yesu mebali lako tinde tau: Tang mangkamorokomika Kupilei te tau sangpulo dua? Apa denkomi misa’ tu deata bulituk.

PENGGAURANNA RASULU’ 1:8

Apa la untarimakomi kamatotoran to ke saeI unta’paikomi tu Penaa Masallo’, na kamu ungkatottongiNa’, la dio Yerusalem, la dio mintu’ tana Yudea ba’tu dio Samaria sae lako randanna langi’.

PENGGAURANNA RASULU’ 19:15

Apa mebali tu deata masussuk, nakua ungkuanni tinde tau: Iatu Yesu kutandai sia iatu Paulus kuissan, namindakomi kamu te?

KADA OMBO’ LAKO RASULU’ YOHANES 12:1

Kaananmi dao langi’ misa’ tanda kapua, iamotu misa’ baine disapu’ allo anna diong to’ lette’na tu bulan, sia ulunna ma’makota bintoen sangpulo dua.