MATIUS 1:20 - Sura' Madatu

²⁰ Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 1:20 ပူးပေါင်းရင်းမြစ်များ

KADADIAN 31:11

Ma’kadami tu malaeka’Na Puang Matua lako kaleku lan tindo: E Yakub. Mebalimo’: Inde siana’.

KADADIAN 46:3

Ma’kadami Nakua: Akumo tu Puang Matua, Kapenombanna ambe’mu, da mumataku’ lao lako Mesir, belanna dio la Kunii umpadadiko misa’ bangsa kapua.

1 DATU 17:13

Apa nakua tu Elia lako: Da mimataku’, malemokomi lako banua, posara’mi susitu mipokada, apa posarasanna’ dolo misa’ bitti’, mibaanna’ mai; mimaneo umposarasanni tu kalemi sola anakmi.

1 DATU 3:5

Dio Gibeon ombo’mo tu PUANG lako Salomo lan tindona tonna ibongi, sia ma’kada tu Puang Matua Nakua: Palakui apara tu la Kubenko?

PA’PUDIAN 119:125

Akumo tu taumMi; benna’ kapaissanan, angku belai unnissanni tu mintu’ kasa’biamMi.

PA’PUDIAN 143:8

Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

PA’PUDIAN 94:19

Iatonna sakerangngan-rangngannamo tu kamagiangan lan ba’tengku, napasendemi mintu’ pa’pakatanamMi tu penaangku.

SARAMBU PEADA’ 12:5

Iatu pa’timbanganna to malambu’ iamo tongan, apa iatu pa’tangnga’na to tang mekaaluk iamo pa’pakena.

YESAYA 26:3

Iatu to matu’tun penaanna Mikaduttu’ kamarampasan sundun, belanna sande’ mati’ Kalemi.

YESAYA 30:21

Iake la sepangkomi lako kairi ba’tu lako kanan, la murangi tu kada dipokada dio boko’mu, nakua: Iamote tu lalanna, la miolaimo.

YESAYA 51:7

PerangiiNa’, e kamu to untandai kamaloloan, e bangsa unnanna rara’ Sukaran alukKu lan penaanna. Da mikataku’i tu pelo’bona tolino sia da mipotirambanni tu pebe’sena tau iato mai.

YESAYA 7:13

Nakuami: Perangiimi totemo, e kamu bati’na Daud! Misanga tang ganna’paraka ussara’i tau, ammi sara’i siapara Kapenombangku?

YESAYA 7:2

Tonna pokadami tau lako to lan banuanna Daud kumua: Nasamboimo Aram tu Efraim, ma’bara-barami tu penaanna datu sola mintu’ to kambanna, butung to kayu lan pangala’ nairi’ angin.

YEREMIA 31:22

Sangapapako la ma’marempa-rempa, e anak dara, magasa penaanna? Belanna Napadenmo PUANG tu misa’ apa ba’ru lan lino, iamotu baine umpakatuan pangngan muane.

YEREMIA 33:26

mane dukari la Kutibe tu bati’na Yakub sia bati’na Daud, taungKu, Kuurungan tang unnalai dio mai bati’na tu tau la umparenta tarukna Abraham, Ishak na Yakub, belanna la Kupopembali tu toto’na tau iato mai sia la Kukaturu-turui.

YEREMIA 40:9

Umpalaomi sumpa tu Gedalya, anakna Ahikam, anakna Safan, lako tau iato mai sia mintu’ surodadunna, nakua: Da mimataku’ mengkaola lako to Kasdim; torro bangmokomi lan tondok iate sia mengkaolakomi lako datu Babel, ammi makarimman.

YOËL 2:28

Undinna dio mai to la dadi kumua la untuaranNa’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine; sia iatu mai to matua-tuammi la ungkita tindo ma’rupa-rupa tindo sia iatu mai to mangurammi la ungkita ma’rupa-rupa patiro mendeata.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

MATIUS 1:18

Iatu kadadianNa Yesu Kristus susite: Iatonna sikampa Yusuf tu Maria, indo’Na, tonna tae’pa nasisola, manassami kumua ma’tambuk tu Maria diona kamatotoranNa Penaa Masallo’.

MATIUS 2:12

Iatonna patudumi Puang Matua tinde tau lan tindona kumua da nasule lako Herodes, sulemi tinde tau lako tondokna unnola lalan senga’.

MATIUS 2:13

Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 2:19

Iatonna matemo tu Herodes, nakita tindomi Yusuf tu misa’ malaeka’Na Puang dio tana Mesir,

MATIUS 2:22

Iatonna rangimi kumua Arkhelaus dadi datu dio tana Yudea ussonda Herodes ambe’na, batami tu Yusuf lao lako; apa belanna Napatudu Puang Matua lan tindona, sepang lu lakomi parenta Galilea,

MATIUS 27:19

Iatonna unno’ko’ tu Pilatus dao kadera nanii unno’ko’ mangra’ta’ kara-kara, mesuami tu bainena lako umpokadai kumua: Da mipatumba-tumbai tu to malambu’; belanna ba’tu pempiranmo kutibuang-buangan te allo iate lan tindoku tu diona Ia.

MATIUS 28:5

Ma’kadami tu malaeka’ sia nakua lako tu baine; Da mimataku’, belanna kuissan kumua undaka’komi Yesu, tu dia’ta’.

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

LUKAS 2:4

Male dukami tu Yusuf dio mai Galilea, lan mai tondok Nazaret, lako tondok Yudea, tondokna Daud, disanga Betlehem, belanna bati’na sia tarukna Daud,

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

KADA OMBO’ LAKO RASULU’ YOHANES 19:7

Sipatuki’ parannu paiman sia sende pakadua, sia sipatu tapangke’ tu Puang, belanna nalambi’mo tu attunNa Anak domba ma’rampanan kapa’ sia sakka’mo tu baine Narampanni kapa’.

TO PARENGNGE’ 13:3

Ombo’mi tu Malaeka’Na PUANG lako baine iato anna ma’kada lako, nakua: Manassa tamanangko sia tae’ mukianak, apa la ma’tambukko, ammu dadian misa’ pia muane.