MATIUS 1:19 - Sura' Madatu

¹⁹ Iatu Yusuf muanena, tu belanna ia misa’ to malambu’ penaanna, sia moka la umpalaoi siri’na, la moraimi urrampanan buni bangi.

MATIUS 1:19 ပူးပေါင်းရင်းမြစ်များ

KADADIAN 38:24

Denmi agi-agi tallung bulan to, napokadami tau lako Yehuda nakua: Iatu Tamar, minintummu ma’gau’ salamo sia kia’tang bule’mo. Nakuami tu Yehuda: Solanni sae naditambenan kayu buangin.

KADADIAN 6:9

Iamote tu ulelean diona Nuh. Iatu Nuh misa’ to malambu’ penaanna sia tae’ sayuanna dio mintu’na tau attu iato, na iatu Nuh la’ka’ bang lako Puang Matua.

SURA’ KATOMINAAN 19:20

Iake denni misa’ tau sangampa’ misa’ baine, iamotu mai kaunan diben misa’ muane la napogundi’, apa tae’pa nadila’bak ba’tu ditomakakai, la dipakannai ukungan; apa tae’ na la dipatei, belanna tae’pa naditomakakai.

SURA’ KATOMINAAN 20:10

Iake denni misa’ muane ussandak salu rampanan kapa’na bainena tau, iamotu ussandak salu rampanan kapa’na bainena to nasisolan, manassa la dipatei, la iatu muane pasandak salu lako rampanan kapa’ la iatu baine.

MARKUS 10:4

Nakuami tu tau: Naeloran Musa tu tau unggaraga sura’ kasitantangan, sia untantang bainena.

MARKUS 6:20

Belanna mataku’ tu Herodes lako Yohanes, apa naissan: iamo misa’ to malambu’ sia masallo’, napangeai bangmi; sia pembuda ke urrangii pangadaranna Yohanes, pussakmi penaanna, apa moi susito naporai duka umperangii.

LUKAS 2:25

Den todami tau lan Yerusalem misa’, disanga Simeon, iamo misa’ to malambu’ sia umpatongan Puang Matua, umpeagi bangmo pa’pakatana lako to Israel sia den Penaa Masallo’ lan kalena.

PENGGAURANNA RASULU’ 10:22

Nakuami tinde tau: Na tu Kornelius, pangulunna kaponan surodadu, iamo misa’ to malambu’ sia ungkataku’ Puang Matua sia napokada melo mintu’ to Yahudi, Napatudumo Puang Matua naparampo malaeka’ madatu untambaikomi lako banuanna la umperangii tu kadammi.

PENGGAURANNA RASULU’ 27:39

Iatonna masiang, tae’ natandai tinde tau tu padang iato, apa den baba minanga natiro marante randanna; nasitangnga’imi tinde tau, kumua nabela sia manii umpatitu’tunni inde to tama tu kappala’.

2 KORINTUS 1:15

Iatu kurannuannato, inang dolo diongmo penaangku la male mati’, kumua ammi appa’ pole’pa pa’kamasean te ma’penduanna.

PA’TOLE 22:20

Apa iake tonganni tu pa’pasala iato sia tae’ nadiappa’ tu napotandana anak dara dio baine mangura iato,