MATIUS 1:12 - Sura' Madatu

¹² Na undinna tonna mangka tau dipalengka’ lako Babel, undadiammi Sealtiel; na Sealtiel undadian Zerubabel;

MATIUS 1:12 ပူးပေါင်းရင်းမြစ်များ

2 DATU 24:14

Napali’mi tu mintu’ pa’tondokan Yerusalem sola mintu’ arung sia to malinta’ parari, sangpulo sa’bunna, susi duka tu mai pande sia pande bassi; moi misa’ tae’mo torro, sangadi to mase-mase mannamo dio lu to buda lan tondok.

2 DATU 25:27

Iatonna taun ma’pentallungpulo mpitu kadipaliranna Yoyakhin, datu Yehuda, bulan ma’pessangpulo dua, allo ma’penduangpulo mpitu bulan iato, iatu Yoyakhin, datu Yehuda, nakaturu-turui Ewil-Merodakh, datu Babel, sia natassu’i lan mai pa’tarungkuan lan taun dinii unnangka’i datu.

1 OSSORANNA DATU 3:17

Iatu anakna muane Yekhonya iamotu Asir sia Sealtiel, anakna muane;

EZRA 3:2

Ke’de’mi tu Yesua, anakna Yozadak, sola mintu’ siulu’na, iamotu mai tominaa, sia ia duka tu Zerubabel, anakna Sealtiel sola mintu’ siulu’na, anna bangunni tu inan pemalaran Kapenombanna to Israel, kumua anna dao dinii umpemalaranni tu pemala’ ditunu pu’pu’, susitu disura’ lan Sukaran alukna Musa, taunNa Puang Matua:

EZRA 5:2

Ke’de’mi tu Zerubabel, anakna Sealtiel, sia Yesua, anakna Yozadak, anna parandukki umbangunni tu banuanNa Puang Matua, tu unnisung lan Yerusalem; na iatu nabinNa Puang Matua untundui tu tau iato sola duai.

NEHEMIA 12:1

Inde sia tu mintu’ to minaa sia to Lewi, tu ke’de’ sola Zerubabel, anakna Sealtiel sia Yesua, iamotu Seraya, Yeremia, Ezra.

YEREMIA 22:24

Tonganna la lelukraka tuoKu, kadanNa PUANG, moronganna tu Konya, anakna Yoyakim, datu to Yehuda, susito misa’ sissin peca’ dio lima kananKu, manassa la Kusintakki duka lan mai,

YEREMIA 22:28

Misa’raka kurin tesse tu nasayu tau te tau iate, iamotu Konya, ba’tu misa’ kandean litak tae’ gai’na? Ma’apai anna dipembassanan, la ia sia mintu’ repokna sia ditibe lako misa’ tondok tu tae’ natandai?

YEREMIA 22:30

Nakua kadanNa PUANG: Sura’i te tau iate susito tamanang sia misa’ to tang maupa’ lan mintu’ allo katuoanna, belanna dio mai mintu’ ampo bati’na moi misa’ tae’ la maupa’ sia la unnisung dao isungan kapayunganna Daud sia undatuipa tondok Yehuda.

YEREMIA 27:20

tu tae’ nabaai Nebukadnezar, datu Babel, tonna pali’i tu Yekhonya, anakna Yoyakim, datu Yehuda, lako Babel sola mintu’ to kapuana Yehuda sia Yerusalem, –

HAGAI 1:1

Iatonna taun ma’penduan kadatuanna Darius, bulan ma’pennannan, allo bunga’na bulan iato, saemi tu kadanNa PUANG nalopian nabi Hagai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, nakua:

HAGAI 1:12

Attu iato naperangiimi Zerubabel, anakna Sealtiel sia Yosua, anakna Yozadak, tominaa kapua, sia mintu’ to buda, tu torronapa, tu gamaranNa PUANG, Kapenombanna, sia iatu kadanna nabi Hagai, tu Nasua PUANG, Kapenombanna, umparampoi lako tau iato mai, anna mataku’ tu to buda dio olona PUANG.

HAGAI 1:14

Napatiakka’mi PUANG tu penaanna Zerubabel, anakna Sealtiel, to maraya Yehuda, sia penaanna Yosua, anakna Yozadak, tominaa kapua, sia penaanna mintu’ to buda, tu torronapa, anna sae tu tau iato mai ungkarangi tu pengkarangan dio banuanNa PUANGna mintu’ ma’dandan maritik, Kapenombanna tau iato mai,

HAGAI 2:2

Iatonna bulan ma’pempitu, allo ma’penduangpulo mmisa, saemi tu KadanNa PUANG, nalopian nabi Hagai, nakua:

HAGAI 2:23

Sia la Kubalittua’ tu mintu’ isungan kadatuan, la Kusanggangi tu kuasa kadatuanna mintu’ bangsa, la Kubalittua’ tu mintu’ kareta sia mintu’ to dao, sia iatu darang sia pakkanarangna la pantan songka nakande pa’dangna solana.

MATIUS 1:11

na Yosia undadian Yekhonya sia siulu’na tonna dipalengka’ tau lako Babel.

MATIUS 1:13

na Zerubabel undadian Abihud; na Abihud undadian Elyakim; na Elyakim undadian Azor;

MATIUS 1:17

Iatu mintu’ osso’na tempon dio mai Abraham sae lako tonna Daud, sangpulo a’pa’ papa’na; na tempon dio mai Daud sae lako tonna dipalengka’ tau lako Babel, sangpulo a’pa’ duka papa’na; na tempon dio mai tonna dipalengka’ tau lako Babel sae lako tonna Kristus, sangpulo a’pa’ duka siao papa’na.

LUKAS 3:27

anakna Yohanan, anakna Resa, anakna Zerubabel, anakna Sealtiel, anakna Neri;