LUKAS 9:59 - Sura' Madatu

⁵⁹ Nakuami lako to senga’ misa’: Undiko urrundu’Na’! Nakuami tu tau: O Puang! La messimanpa’ angku laopa umpeliang ambe’ku dolo.

LUKAS 9:59 ပူးပေါင်းရင်းမြစ်များ

1 DATU 19:20

Natampemi Elisa tu mintu’ sapi, anna undi ma’dondo-dondo urrundu’ Elia nama’kada nakua: Elorampa’ dolo male urraka’ indo’ ambe’ku, kumane undi urrundu’komi. Nakuami tu Elia lako: Sulemoko, belanna apara tu mangka kupogau’ lako kalemu?

HAGAI 1:2

Inde sia tu kadanNa PUANGna mintu’ ma’dandan maritik, Nakua: Ma’kada te bangsa iate, nakua: Tae’pa nalambi’i tu allona, iamotu allo la dinii umbangunni sule tu banuanNa PUANG.

MATIUS 16:24

Tonna iato Nakuami Yesu lako anak gurunNa: Iake denni tau la morai undi urrundu’Na’, la ussa’biangan kalena sia unnendekan kayu pea’ta’na, naundi urrundu’Na’.

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

MATIUS 9:9

Malemi tu Yesu inde to dio mai, Natiroi tu tau misa’ disanga Matius unno’ko’ dio to’ passiman; Nakuami ungkuanni: undiko urrundu’Na’. Ke’de’mi naundi urrundu’I.

LUKAS 9:60

Nakuami Yesu lako: Da’ito na to matemora umpeliang to matena, malemoko ria umpatale’ ParentaNa Puang Matua.