LUKAS 9:54 - Sura' Madatu

⁵⁴ Iatonna tiromi anak gurunNa, iamotu disanga Yakobus na Yohanes, tu iannato, nakuami: O Puang! Mieloranraka angki sua api mengkalao dao mai langi’ la ummangsanni tu tau?

LUKAS 9:54 ပူးပေါင်းရင်းမြစ်များ

2 SAMUEL 16:9

Attu iato ma’kadami tu Abisai, anakna Zeruya lako datu nakua: Ma’apari natampakkira ropu puangku datu tinde asu mate? Da’ito kumale lian angku sembangi tu ulunna.

2 SAMUEL 21:2

Natambaimi datu tu to Gibeon anna ma’kada lako kalena. – Iatu to Gibeon tae’ nasangbilangan to Israel, sangadinna sangbilangan tu to Amori disesannapa; moi namangkamo sibasse sia sisumpa to Israel tu tau iato mai, apa undaka’ lalan tu Saul la ussanggangi tu tau iato mai, belanna kamatutturanna tu la napomelona to Israel sia to Yehuda –.

2 DATU 1:9

Nasuami datu lako tu misa’ kamandang ungkapalai surodadu limangpulo sola tu surodadunna limangpulo. Kendekmi langngan Elia, belanna iatu Elia unno’ko’ dao botto tanete, sia ma’kada lako nakua: E taunNa Puang Matua, napa’parentan datu, kumua mengkalaokomi!

2 DATU 10:16

Nakuami Yehu: Maimokomi tamale sola ammu tiroi tu kamatutturangku umposara’i tu diona PUANG. Iamoto nasuai tu tau iato mai kendek langngan karetana.

2 DATU 10:31

Apa tang ponno penaanna tu Yehu ungkaritutui Sukaran alukNa PUANG, Kapenombanna to Israel, belanna tae’ naboko’i tu kasalanna Yerobeam, tu napa’pesuan lako to Israel umpogau’i.

TOMANGADA’ 3:3

Den tu attu papatean sia den tu attu ma’pamondo, den tu attu mangrondon sia den tu attu ma’pate’dek.

MARKUS 3:17

sia Yakobus, anakna Zebedeus sia Yohanes siulu’na Yakobus anNa gantii Boanerges tu tau iato, battuananna anak guntu’.

LUKAS 9:55

Messailemi Yesu, ussarabai sola duai.

KADA OMBO’ LAKO RASULU’ YOHANES 13:13

Sia umpadadi tanda kalle-kallean kapua, naurunganni umpasonglo’ api dao mai langi’ tama lino dio tingayona tolino.

KADA OMBO’ LAKO RASULU’ YOHANES 13:3

Kutiro tu ulunna misa’ takua to bangke malua’; apa iatu bangke malua’na to mondomo, namintu’ issinna lino mangnga anna turu’i tu olo’-olo’ iato.