LUKAS 9:39 - Sura' Madatu

³⁹ Nataba deata, nata’pa melalla-lalla, napopa’lisu sarongi, anna pambura pudukna sia kamma-kamma natang umparadanni napandasa tongan.

LUKAS 9:39 ပူးပေါင်းရင်းမြစ်များ

MARKUS 9:18

Umba-umba nanii unnalai, napessambakanni, anna pambura pudukna sia singgarigi’ isinna, sia matoro kalena. Namangkamo kupokadan anak gurumMi, kumua narambai sun, apa tae’ nabelai.

MARKUS 9:20

Nasolammi tinde pia lako. Iatonna kitami deata tu Yesu, ta’pa napopa’parondo-rondomi tu pia, anna songka rokko padang sia ma’lisu sarong pambura-bura pudukna.

MARKUS 9:26

Sunmi tu deata melalla-lalla sia napopa’parondo-rondo tongan, anna susi bangmo to mate ditiro tu pia, naurunganni buda tau kumua: matemo.

LUKAS 4:35

Nasarabaimi Yesu, Nakua: ma’loko-lokoko, pallaiko dio mai kalena. Nasongkammi deata masussuk tinde tau lan tangnga-tangngana tau, namane sun lan mai, tae’ bangra napatumba-tumbai.

LUKAS 8:29

Tu belanna Nasuamo Yesu tu deata masussuk soro’ dio mai kalena tinde tau, apa masaimo tu deata iato untamai; narantemo sia napungo tau tu lentekna, la napatorro, apa naka’tu-ka’tu tu pungona, napallaianni deata masussuk lako padang pangallaran.

LUKAS 9:38

Denmi misa’ tau lan mai tu to buda metamba nakua: O Guru! Kupalaku la Mitiroampa’ dikka’ anakku, belanna pakamondona anak dio kaleku.

LUKAS 9:40

Kupalakumo lako anak gurumMi, Puang, la urrambai sun, apa tae’ nakullei.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADA OMBO’ LAKO RASULU’ YOHANES 9:11

Sia umpodatu malaeka’na garonggong posi’ tana lambe’, lan basa Ibrani disanga Abadon, sia lan basa Grika disanga Apolion.