LUKAS 9:38 - Sura' Madatu

³⁸ Denmi misa’ tau lan mai tu to buda metamba nakua: O Guru! Kupalaku la Mitiroampa’ dikka’ anakku, belanna pakamondona anak dio kaleku.

LUKAS 9:38 ပူးပေါင်းရင်းမြစ်များ

KADADIAN 44:20

Kikuami ma’kada lako kalemi: Den siapa tu ambe’ki matuamo, sia misa’ tu anakna muane, anak tampak, tu dadi te matuannamo, iatu kakanna matemo, misa-misamora tu sangindo’, lendu’ napakaboro’na ambe’na.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

MATIUS 15:22

Denmi misa’ baine to Kanaan lu dio mai parenta iato sae nametamba-tamba nakua: O Puang, o Anakna Daud, kamaseina’ dikka’ belanna iatu anakku baine, nataba deata masussuk, napandasa tongan.

LUKAS 7:12

Iatonna reke’mi tu babangan tondok, denmi misa’ to mate dio sun nabulle tau; iatu pia anak misa dio indo’na, baluomi tu indo’na; buda tau lan mai tondok sae unturu’i.

LUKAS 9:37

Iatonna masiangto, tonna mengkalaomo dao mai tanete, budami tau sae umpellambi’i Yesu.

LUKAS 9:39

Nataba deata, nata’pa melalla-lalla, napopa’lisu sarongi, anna pambura pudukna sia kamma-kamma natang umparadanni napandasa tongan.

YOHANES 4:47

Iatonna rangi kumua saemo tu Yesu dio mai tana Yudea lako Galilea, loomi napellambi’I, napalakuI anNa loo rokko umpamalekei tu anakna, belanna la mate mannamo.