LUKAS 9:32 - Sura' Madatu

³² Apa iatu Petrus sia iatu to nasolan tikapipimo, belanna tikkaru’du’ tonganmo; iatonna pana’dingmo, natiromi tu kamala’biranNa sia da’dua tau Nasolan ke’de’.

LUKAS 9:32 ပူးပေါင်းရင်းမြစ်များ

YESAYA 60:19

Iatu allo tae’mo mupoarrangi ke allo sia iatu bulan tae’mo nala umpadukkuangko arrangna; sangadinna PUANG la mupoarrang matontongan sia Kapenombammu mupomala’bi’.

DANIEL 10:9

Attu iato kurangimi tu kadanna; na iatongku rangi tu kadanna limpumo’ sia lumbang, angku songka rokko padang.

DANIEL 8:18

Iatonna marassan ma’kada lako kaleku, limpumo’ sia lumbang rokko padang; apa naremme’na’ anna pabendanna’ sule,

MARKUS 14:40

Iatonna sule pole’mo Nakabu’tuimi tinde tau mamma’omo sule, belanna turruk bang matanna, sia tae’ naissanni, apa tu la napebalii lako.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 17:24

O Ambe’, Kuporai ke sisolaNa’ tu to mangka Misorong lako Kaleku umba-umba Kunii, anna kitai tu kamala’birangKu tu mangka Mipa’kamasean lako Kaleku, belanna Mipakaboro’Na’ tempon dio mai tonna tang dikombongpa te lino.

2 PETRUS 1:16

Belanna tae’ angki turu’i tu ulelean pare digaraga kamalutean, tongki pokadangkomi tu kuasa sia kasaeanNa Puangta Yesu Kristus, sangadinna kitiro kalenamo tu kamatandeanNa.

1 YOHANES 3:2

E mintu’ pa’kaboro’ku, totemo te anakNaki’ Puang Matua, apa tae’pa nasombo la matumbai dadinta undinna. Apa takanassai, kumua iake dipasomboMi undinna, la susi dukamo tu a’ganta, belanna la tatiro susitu a’ganNa siamo.